அமாதான்
From Wikipedia, the free encyclopedia
அமாதான் (Hamadān)[2] (pronounced [hæmedɒːn]) பழைய பாரசீகப் பேரரசில் இந்நகரத்தின் பெயர் எகபடனா ஆகும். தற்கால ஈரான் நாட்டின் அமாதான் மாகாணத்தின் தலைநகரான அமாதான் நகரம் ஒரு மாநகராட்சி ஆகும். 2006-ஆம் ஆண்டின் மக்கள்தொகை கணக்கெடுப்பின் படி, 1,27,812 குடும்பங்கள் கொண்ட அமாதான் நகரத்தின் மக்கள்தொகை 4,73,149 ஆகும்.[3]இந்நகரத்தில் மக்கள் 2500 ஆண்டுகாலமாக தொடர்ந்து வாழ்கினறனர்.
அமாதான்
همدان | |
---|---|
மாநகரம் | |
பண்டைய பெயர்: எகபடனா | |
ஈரானில் அமாதான் நகரத்தின் அமைவிடம் | |
ஆள்கூறுகள்: 34°48′N 48°31′E | |
நாடு | ஈரான் |
மாகாணம் | அமாதான் |
கவுண்டி | அமாதான் கவுண்டி |
அரசு | |
• மேயர் | சையது முஸ்தபா ரசூல் (2014-முதல்) |
ஏற்றம் | 1,850 m (6,069 ft) |
மக்கள்தொகை (2016 மக்கள் தொகை கணக்கெடுப்பு) | |
• தரவரிசை | 13 |
• நகர்ப்புறம் | 6,73,405 [1] |
நேர வலயம் | ஒசநே+3:30 (ஈரானிய சீர் நேரம்) |
இணையதளம் | www |
பண்டைய அண்மை கிழக்கின் நகரங்களில் ஒன்றான அமாதான் எனும் எகபடனா நகரத்தை, கிமு 1100-இல் அசிரியர்களால் கைப்பற்றப்பட்டது. கிமு 700-இல் ஹமதான் நகரம் மீடியாப் பேரரசின் தலைநகராக விளங்கியது.
ஈரானின் மத்திய மேற்கில் 3574 மீட்டர் உயரம் கொண்ட அல்வந்த் மலைத்தொடரில் அமைந்த சமவெளியில், கடல் மட்டத்திலிருந்து 1,850 மீட்டர் உயரத்தில் அமதான் நகரம் உள்ளது.[4]
அமதான் நகரம் ஈரானின் கோடைக்கால மலைவாழிடங்களில் ஒன்றாகும். ஈரானின் தேசியத் தலைநகரான தெகுரானுக்கு தென்மேற்கில் 360 கிலோ மீட்டர் தொலைவில் அமதான் நகரம் உள்ளது. இந்நகரத்தில் பெரும்பான்மையோர் பாரசீக மொழி, குர்தி மொழி, அஜாரி துருக்கிய மொழிகல்ள் பேசுகின்றனர்.