Ebbraismu
From Wikipedia, the free encyclopedia
L'Ebbraismu (puru dittu Abbraismu) (יהדות) è dda riliggiuni monutìstica carattirìstica dû pòpulu ebbràicu. Lu termini ìnnica puru na filosufìa e cchiù n ginirali la manera di vìviri e di pinsari dî cumunità di urìggini ebbraica diffunnuti nti tuttu lu munnu.
Ha statu forsi la prima riliggiuni monutìstica adducumintata dintra ê pupulazzioni cananàichi monulàtrichi, o, sicunnu àutri, tra li pòpuli straneri schiavi nta l'Eggittu. Nzèmmula ô Cristianèsimu e a l’Islam, l’Ebbraismu veni classificatu comu riliggiuni abbramìtica. Cchiù n ginirali si pò diri ca si sparpagghiò nna tuttu lu munnu grazzi â dispirsioni di l'ebbrei c’accuminciò a l’èbbica dû Mperu Rumanu, caunsciuta cu lu nomu di diàspora.