Ligòngiu ipertestuale
From Wikipedia, the free encyclopedia
In informàtica, unu ligòngiu ipertestuale (fintzas ligàmene, acàpiu o collegamentu, connotu comente a link puru, dae s'inglesu hyperlink) est unu rinviu de un'unidade informativa (documentu, immàgine, etz.) subra unu suportu digitale a una àtera. Est su chi caraterizat sa non linearidade de s'informatzione de un'ipertestu.
Artìculu in LSC
Unu ligòngiu ipertestuale serbit a giùghere a àteras unidades informativas partende dae una cale si siat unidade a issas currelada.
Pro pòdere èssere notadu dae su letore, unu ligòngiu ipertestuale de sòlitu est distintu cun calicuna peculiaridade gràfica: sa prus tìpica est sa sutaliniadura (bide immàgine). S'ativatzione de unu collegamentu est fata pro mèdiu de unu clic de su sòrighe o tap subra s'ischermu a tocu, sighidu dae sa visualizatzione de sa destinatzione de su collegamentu.