Катыньска масакра
From Wikipedia, the free encyclopedia
Катыньска масакра — сполочна назва про масовы забивства польскых военных заятцьох и цивилистох, учиненых совѣтсков тайнов службов НКВД в апрѣлю и маю рока 1940.
Означѣня Катыньска масакра зачаточно ся поуживало лем про забивство польскых офицерох в Катыньском лѣсѣ в Смоленской области. Але пак были найдены иншы масовы погребѣня польских подданых и совѣтскы архивны документы, котры свѣдчили о масовых екзекуциях, и понятя Катыньска масакра зачало означовати вшиткы екзекуции, учинены на польскых горожанах в апрѣлю и маю 1940, в розличных лаграх НКВД СССР: Козельском, Старобельском, Осташковском, а тыж в тюрмах на заятых в року 1939 териториях Польщи.