Карпатска котлина
From Wikipedia, the free encyclopedia
Карпатска котлина або Паннонска котлина — територия, ограничена на сѣверѣ и выходѣ Карпатами, на западѣ Алпами, на югу Динарскыма горами. В днешной добѣ в границях той територии цѣлком положены Мадярщина и Словакия, а часточно лежать Австрия, Босния и Герцеговина, Румыния, Сербия, Словения, Хорватия, Украина и Чешска република.
Плоха Карпатской котлины чинить около 200 тыс. км2. Геологично е то меджигорне тектоничне понижѣня, в сучасности заповнене лесом и алувийом.[1] В геологичной минулости было то море, солене, полусолене, наконець солодководне, котре по тектоничных ссувах стекло и высохло. Третьогорны версти указують ся лем на крайох котлины, иншак покрыта она штвертогорныма ай поводневыма верстями о грубинѣ 100–150 м.[2] Карпатска котлина стала ся барз важным земледѣлскым регионом з ровнинами, покрытыма великыми просторами лесовых земель, котры надзвычайно уродны. Хоть атмосферичны выпады не суть богаты, их звыкло быти доста про ростлины.
Гидрографично е то базен середного току Дуная, котрый ся дренуе его притоками Тиса, Драва, Сава и др.[1]
Найвекшы городы суть: Будапешт (Мадярщина), Белград (Сербия), Загреб (Хорватия), Братислава (Словакия), Темешвар (Румыния).