Бирмованя
From Wikipedia, the free encyclopedia
Бирмованя, у войводянскых Русинох бирмалованя,[1] або конфирмация, од лат. confirmare укрѣпляти, утверджовати — една зоз святых тайн христианскых, вызнавана Католицков и Православнов Церквами.[2]
У православных ся зве миропомазаньом и е удѣляне такой по крестѣ, а у католикох — по досягнутю вѣка 7–12 (в России — 15 рокы, при тому лем епископом. Тайна бирмованя доповнять и змоцнять надприродный характер оконченой скорше тайны крещѣня католика; через бирмованя вѣрный ся укрѣплять силов Духа Святого, достаючи його благодатны дары, и так ся еще тѣснѣйше споюе з Церквов.[2]
У протестантох конфирмация ся не поважуе за святу тайну, а обряд конфирмации ся складать зо сповѣданя вѣры конфирмованым, морализуючого слова ку ньому од пастора и молитвы за нього, прочитаной пастором. Тот обряд служить актом славностного, усвѣдоменого и слободного выяву особной вѣры конфирмованого во Исуса Христа, яко Бога и Спасителя, и разом актом його остаточного приятя до церковного сполоченства.[3]
„ | Слово хасную коцурски Мадяре, а дакеди го хасную и Руснаци. Мадярски дзеци ше бирмалую на 7–8 роки, бирмалує их владика (кресци их паноцец). | ” |
Юлиян Рамач[1] |