Аламогордо (выпробня)
From Wikipedia, the free encyclopedia
Аламогордо (выпробня), англ. Alamogordo Test Range — выпробне стрѣлиско в США на югу штата Ню Мексико, плохов 148 км2, о 97 км на сѣвер-сѣверовосток од Аламогордо.
На той выпробни з тогдышнов назвов USAAF Alamogordo Bombing and Gunnery Range (Аламогордо, бомбове и канонѣрске стрѣлиско збройных сил США) 16. юла 1945 одбыло ся перве успѣшне выпробованя атомового оружия, назване «Тринити», англ. Trinity test.[1] В далшом часѣ стрѣлиско служило на войсковы потребы, в том числѣ на выпробованя новых видох вызброю.
Стрѣлиско тыж фунгуе в ограниченой мѣрѣ яко туристичный объект. Два раз в року, в перву суботу апрѣля и октобра суть организованы туристичны навщѣвы мѣста выбуху. В року 2017 стрѣлиско навщѣвили понад 3000 туристох.[2]