Академик
From Wikipedia, the free encyclopedia
Академик (жен. род академичка[1]) — рядный член академии яко корпорации ученых.[2]
Академикох выберать вална громада членох конкретной академии. В Академии Наук СССР были званя — честный Академик и заграничный член академии.[3]
В каждой державѣ суть свои традиции дотычно именованя и выбераня академикох, але суть они векшинов оперты на традиции двох найстаршых академий: британской (1660) и французской (1666). В англицкой традиции корпорация академикох е независима од державной влады, она не доставать подпору од влады, а статус академика не давать ниякы привилегии, лем честне вызнаня заслуг перед науков, вызначене корпорациов на основѣ научных резултатох члена корпорации. Французска академия была основана кральом, во французской традиции доставать она подпору од державы, статус академика звязаный з привилегиями, а тым корпорация и ей члены суть в даякой мѣрѣ политично мотивованы.