Europe
continende / From Wikipedia, the free encyclopedia
L'Europe jè 'na reggione geografeche d'a Terre costituite principalmende da 'na penisole situate jndr'à parte occidentale d'u continende Eurasie. Pè 'a conseguenze de fatture storeche-culturale, jè conziderate jedde stesse 'nu continende, pure ce 'mbrà le cchiù piccenne, 'a soje superficie 'nfatte tène n'estenzione de sule 10.400.000 km² (estenzione sulamende de picche superiore a l'Oceanie e a l'Antartide, le dò continende cchiù piccenne d'a Terre) popolate tuttavie da 800.000.000 de crestiáne ca portane jedde ad essere 'u terze continende cchiù popolate (dope l'Asie e l'Afriche).
'U confine naturale soje jè costituite pè 'nu luènghe tratte da 'u mare: jè delimitate a nord da 'u mare Glaciale Arteche, ad ovest da l'oceane Atlàndeche, a sud da 'u mar Mediterranee, a sud-est da 'u mar Gnure e da 'u Caucaso, ad est da 'u mar Caspio, d'a catene monduose de le Urale e da 'u jume Ural.
'A storie europee e 'a soje culture onne 'nfluenzate assaje totte 'u munne civilizzate. 'A posiziune cendrale de l'Europe, 'n confronde a le otre continende, e 'a penetrazione d'u mare onne sembre favurite le comunicazzióne 'mbrà le populazzione de le diverse reggione e le migraziune verse le otre reggione d'u munne. 'U clime mite de bbuène parte d'u continende, inoltre, aví fatte crescere 'a densetà de populazzione.