Il cussegl federal svizzer è l’autoritad directiva ed executiva suprema da la confederaziun Svizra. Dal cussegl federal fan part set commembras e commembras che vegnan elegids da l'ssamblea federala (cussegl naziunal e cussegl dals chantuns). Il cussegl federal è en emprima lingia cumpetent per ils acts guvernativs, el maina e surveglia l'administraziun federala e sa participescha a la legiferaziun. Il presidi da las sedutas dal cussegl federal ha il president (u la presidenta) federala. La chanceliera federala u il chancelier federal maina il post da stab da la regenza, la chanzlia federala.