پھیری پھڑھی والے کامے
From Wikipedia, the free encyclopedia
پھیری والے جاں ریہڑی پھڑھی والے (انگریزی:Hawkers) اوہ نکے نکے وکریتا ہندے ہن جو گلی گلی گھم کے اچی آواز وچ ہوکا دے کے اپنی ریہڑی اتے سامان ویچدے ہن ۔ ایہہ وکریتا عامَ لوکاں دیاں روزانہ لوڑاں دی تکمیل کرن والا سامان ویچ کے اپنی روزی کماؤندے ہن۔ پھیری والیاں وانگ پھڑھی والے وی چھوٹے وکریتا ہندے ہن پر اوہ گلی گلی گھمکے اپنا سامان ویچن دی تھاں کسے اک تھاں تے ٹھہر کے اپنا سامان ویچدے ہن۔ اجیہے طریقے نال روزی کماؤن والے کامیاں دی ہر ملک تے صوبے وچ بہت وڈی گنتی ہندی اے۔ ایہہ کم نہ صرف وسوں دے اک وڈے طبقے نوں روزگار دین والا منیا جاندا اے بلکہ آلودگی رہت اتے ماحول پکھی وی سمجھیا جاندا اے کیونکی ریہڑی، جس تے ایہہ وکریتا سامان ویچدے ہن اوہ جسمانی طور تے چلاؤن والی رکشا ریہڑی ہندی اے، جو کسے قسم دی آلودگی نہی کردی۔