آلٹرنیٹنگ کرنٹ
From Wikipedia, the free encyclopedia
بجلی دی بدلویں دھارا جاں آلٹرنیٹنگ کرنٹ جاں اے سی اک بجلئی کرنٹ جاں الیکٹرک کرنٹ ہندا اے جہڑا کہ ویلے دے نال لگاتار اپنی سمت اک برابر وقفےآ ں وچ بدلدا رہندا اے۔ ایہہ ڈی سی توں وکھرا اس کرکے ہندا اے کیونکہ ڈی سی دی سمت ویلے دے وقفےآں نال نہیں بدلدا اتے لگاتار اک برابر رہندا اے۔ صنعتاں اتے گھراں دے وچ اے۔ سی۔ دے روپ وچ الیکٹرک پاور مہیا کروائی جاندی اے۔ ایہہ گھراں وچ پلگ بنا کے دتی جاندی اے اتے گھراں وچ ورتے جان والے سارے جدید آلات جویں ٹی۔ وی۔، فرجّ، بلب، پریس وغیرہ اس توں ہی چلدے ہن۔ اس نوں ڈی سی وچ آسانی نال بدلیا جا سکدا اے، جتھے اسدی ورتوں وکھ-وکھ طرحاں دیاں بیٹریاں اتے سیلاں دی چارجنگ لئی کیتی جاندی اے۔[1][2] اے۔ سی۔ دی ویوفارم بوہتے پاور سرکٹاں وچ عامَ طور تے سائین ویو ہی ہندی اے۔ کجھ وکھریاں لوڑاں لئی وکھریاں ویو فارماں دی ورتوں کیتی جاندی اے جویں کہ تکونی ویو جاں چورس ویو۔ آڈیؤ فریکوئینسی اتے ریڈیو فریکوئینسی دے سگنل جہڑے تاراں نال بھیجے جاندے ہن، وی اے۔ سی۔ دیاں اداہرناں ہن۔ اس طرحاں دے اے۔ سی۔ وچ جانکاری اے سی سگنل دے روپ وچ اینکوڈ کیتی ہندی اے جاں ماڈولیٹ کیتی ہندی اے جویں کہ آواز، گیت جاں فوٹواں وغیرہ ۔ ایہہ کرنٹ عامَ طور تے پاور ٹرانسمشن دے مقابلے بہت زیادہ فریکوئینسی نال بدلدے ہن۔