ਤਾਪ (ਬਿਮਾਰੀ)
From Wikipedia, the free encyclopedia
ਤਾਪ ਜਾਂ ਬੁਖ਼ਾਰ ਸਰੀਰ ਦੇ ਤਾਪਮਾਨ ਦੀ ਆਮ ਦਰਜੇ ਤੋਂ ਵਧ ਜਾਣ ਦੀ ਹਾਲਤ ਨੂੰ ਕਹਿੰਦੇ ਹਨ। ਇਹ ਕੋਈ ਰੋਗ ਨਹੀਂ ਸਗੋਂ ਇੱਕ ਲੱਛਣ ਹੈ, ਜੋ ਦੱਸਦਾ ਹੈ ਕਿ ਸਰੀਰ ਦਾ ਤਾਪ ਨਿਅੰਤਰਿਤ ਕਰਨ ਵਾਲੀ ਪ੍ਰਣਾਲੀ ਨੇ ਸਰੀਰ ਦਾ ਇੱਛਤ ਤਾਪ ਤੋਂ 1-2 ਡਿਗਰੀ ਸੇਲਸੀਅਸ ਵਧਾ ਦਿੱਤਾ ਹੈ। ਮਨੁੱਖ ਦੇ ਸਰੀਰ ਦਾ ਆਮ ਤਾਪਮਾਨ 37°ਸੇਲਸੀਅਸ ਜਾਂ 98.6° ਫੈਰਨਹਾਈਟ ਹੁੰਦਾ ਹੈ। ਜਦੋਂ ਸਰੀਰ ਦਾ ਤਾਪਮਾਨ ਇਸ ਆਮ ਸਤਰ ਤੋਂ ਉੱਤੇ ਹੋ ਜਾਂਦਾ ਹੈ ਤਾਂ ਇਹ ਹਾਲਤ ਤਾਪ ਜਾਂ ਬੁਖਾਰ ਕਹਾਉਂਦੀ ਹੈ।