ਫੇਰੀ ਫੜ੍ਹੀ ਵਾਲੇ ਕਾਮੇ
From Wikipedia, the free encyclopedia
ਫੇਰੀ ਵਾਲੇ ਜਾਂ ਰੇਹੜੀ ਫੜ੍ਹੀ ਵਾਲੇ (ਅੰਗ੍ਰੇਜ਼ੀ:Hawkers) ਉਹ ਨਿੱਕੇ ਨਿੱਕੇ ਵਿਕ੍ਰੇਤਾ ਹੁੰਦੇ ਹਨ ਜੋ ਗਲੀ ਗਲੀ ਘੁੰਮ ਕੇ ਉੱਚੀ ਅਵਾਜ਼ ਵਿੱਚ ਹੋਕਾ ਦੇ ਕੇ ਆਪਣੀ ਰੇਹੜੀ ਉੱਤੇ ਸਮਾਨ ਵੇਚਦੇ ਹਨ । ਇਹ ਵਿਕ੍ਰੇਤਾ ਆਮ ਲੋਕਾਂ ਦੀਆਂ ਰੋਜ਼ਾਨਾ ਲੋੜਾਂ ਦੀ ਪੂਰਤੀ ਕਰਨ ਵਾਲਾ ਸਮਾਨ ਵੇਚ ਕੇ ਆਪਣੀ ਜੀਵਿਕਾ ਕਮਾਉਂਦੇ ਹਨ। ਫੇਰੀ ਵਾਲਿਆਂ ਵਾਂਗ ਫੜ੍ਹੀ ਵਾਲੇ ਵੀ ਛੋਟੇ ਵਿਕ੍ਰੇਤਾ ਹੁੰਦੇ ਹਨ ਪਰ ਉਹ ਗਲੀ ਗਲੀ ਘੁੰਮਕੇ ਆਪਣਾ ਸਮਾਨ ਵੇਚਣ ਦੀ ਥਾਂ ਕਿਸੇ ਇੱਕ ਥਾਂ ਤੇ ਠਹਿਰ ਕੇ ਆਪਣਾ ਸਮਾਨ ਵੇਚਦੇ ਹਨ। ਅਜਿਹੇ ਤਰੀਕੇ ਨਾਲ ਰੋਜ਼ੀ ਕਮਾਓਣ ਵਾਲੇ ਕਾਮਿਆਂ ਦੀ ਹਰ ਮੁਲਕ ਤੇ ਸੂਬੇ ਵਿਚ ਬਹੁਤ ਵਡੀ ਗਿਣਤੀ ਹੁੰਦੀ ਹੈ। ਇਹ ਕੰਮ ਨਾ ਕੇਵਲ ਵੱਸੋਂ ਦੇ ਇੱਕ ਵਡੇ ਤਬਕੇ ਨੂੰ ਰੁਜ਼ਗਾਰ ਦੇਣ ਵਾਲਾ ਮੰਨਿਆ ਜਾਂਦਾ ਹੈ ਬਲਕਿ ਪ੍ਰਦੂਸ਼ਣ ਰਹਿਤ ਅਤੇ ਵਾਤਾਵਰਣ ਪੱਖੀ ਵੀ ਸਮਝਿਆ ਜਾਂਦਾ ਹੈ ਕਿਉੰਕੀ ਰੇਹੜੀ, ਜਿਸ ਤੇ ਇਹ ਵਿਕ੍ਰੇਤਾ ਸਮਾਨ ਵੇਚਦੇ ਹਨ ਉਹ ਜਿਸਮਾਨੀ ਤੌਰ ਤੇ ਚਲਾਓਣ ਵਾਲੀ ਰਿਕ੍ਸ਼ਾ ਰੇਹੜੀ ਹੁੰਦੀ ਹੈ, ਜੋ ਕਿਸੇ ਕਿਸਮ ਦਾ ਪ੍ਰਦੂਸਣ ਨਹੀ ਕਰਦੀ।