Senhoriá de Montpelhièr
From Wikipedia, the free encyclopedia
La senhoriá de Montpelhièr èra una jurisdiccion feudala de Lengadòc que lo centre n'èra la vila de Montpelhièr. La Senhoriá de Montpelhièr visquèt lo jorn lo 26 de novembre de 985, quora lo comte Bernart II de Melguer (Mauguiò) autregèt au chivalièr Guilhèm en escambi de sa devocion, l'ancian territòri situat entre l'antica via Domícia, Les e Mauçon. Sos eritièrs bastiràn sus son novèl fièu un vertadièr borg fortificat, dotat d'un castèl e d'una capèla que vendrà la vila de Montpelhièr.