Reiaume de Hannòver
From Wikipedia, the free encyclopedia
Lo Reiaume de Hannòver es un reiaume alemand creat en 1815 per lo Congrès de Viena. Format a partir de l'Electorat de Brunswick-Luneborg, venguèt membre de la Confederacion Germanica a sa creacion en 1815. Sa capitala èra Hannòver, mai durant la premiera partida de son existéncia, lo reiaume foguèt dirigit en union personala per lei sobeirans dau Reiaume Unit. En 1837, lei règlas de succession de cada reiaume entraïnèron la separacion dei doas coronas. Tocat per de trèbols intèrnes causats per l'oposicion entre un poder conservator e autoritari e un important corrent liberau, lo reiaume de Hannòver foguèt envaït per lei Prussians e annexats a l'eissida de la Guèrra Austroprussiana de 1866.