Moïses
From Wikipedia, the free encyclopedia
Moïses es un personatge de l'Ancian Testament que lo considèra coma un profèta major dei religions abraamicas favorizat per de revelacions e d'intervencions dirèctas de Yahve, lo Dieu unic deis Ebrieus. Es ansin reconegut coma l'intermediari de Dieu, cargat de guidar son pòble d'Egipte vèrs Canaan e de recebre e transmetre lei Taulas de la Lèi. Durant aqueu periple, foguèt lo beneficiari de miracles divèrs e famós coma lei dètz plagas d'Egipte ò lo passatge de la Mar dei Joncs. Pasmens, mau capitèt de mantenir leis Ebrieus dins l'observança estricta dei règlas edictadas per Yahve que lei condamnèt a quaranta d'errança dins lo desèrt.
En causa d'aquela importància, Moïses es una fònt d'inspiracion importanta per leis arts dempuei l'Antiquitat. En particular, foguèt l'objècte de plusors pinturas, esculturas, libres ò films.