Dgèrre
From Wikipedia, the free encyclopedia
La dgèrre (en câocheis : : guerre, en côtentineis : gùerre, en Guernésiais : dgèrnésiais : djère ou guère, en Serkyee : serquais : gyer, en peurch'ron : dgeurre) est du hèrtchîn entré des pays, des nâtions ou des grandes dgaîngues dé gens atout l'usage dé forche, d'armes et d'tueûthie. Dé couôteunme, eune dgèrre est composée d'un nombre dé batâles entré d's armées ou des mathinnes. Nou peut dithe tout sîmpliément qu'i' y'a d'la dgèrre quand i' n'y'a pon d'paix.
Ch't' articl'ye fut c'menchie en Jèrriais |
Y'a des dgèrres tchi sont dêcliathées formellement et tchi sont m'nées par des règl'yes ou des louais – d'aut's bastaudes sont înformelles, y'a des dgèrres muchies et des dgèrres ès dgèrrilleurs. Quand un pays est divisé et y'a du hèrtchîn violent entré les partis, v'là tch'est eune dgèrre civile, coumme par exempl'ye ès Êtats Unnis d'Améthique 1861–1865 ou en Espangne 1936-1939.
Y'a ieu deux grandes dgèrres duthant l'20e siècl'ye:
- la Preunmié Dgèrre Mondiale (la Grand' Dgèrre)
- la S'gonde Dgèrre Mondiale