Kragerø
From Wikipedia, the free encyclopedia
Kragerø er ein tettstad og administrasjonssenter i Kragerø kommune i Telemark fylke med 5 405 innbyggjarar per 1. januar 2023, og ligg om lag 6 mil sørvest for Skien og 8 mil nordaust for Arendal.
Kragerø | |||
tettstad | |||
Land | Noreg | ||
---|---|---|---|
Fylke | Telemark | ||
Kommune | Kragerø | ||
Areal | 3,34 km² | ||
Folketal | 5 405 (2023) | ||
Folketettleik | 1 618 / km² | ||
Postnummer | 3770 KRAGERØ | ||
Preposisjon | i Kragerø | ||
Kragerø 58.86958333°N 9.41388889°E / 58.86958333; 9.41388889 | |||
Wikimedia Commons: Kragerø (city) | |||
Kragerø er ein tidlegare kjøpstad, og er kjend for sine lange kunstnartradisjonar. Kjende kunstnarar som har budd i Kragerø er Edvard Munch (som kalla han «perla blant kystbyane»), Christian Krogh (som syntest at «denne byen burde målast» då han kom hit) og Erik Werenskiold.
Kragerø har stor turisttrafikk sommarstid. Tettstaden har ein variert og allsidig industri med snautt 900 sysselsette i 2002. Målt etter mengd sysselsette er dei største bransjane verkstad-, metallvare- og elektroindustri, grafisk industri (trykkeriet Naper) og farmasøytisk industri (Weiders Farmasøytiske). I tillegg er det litt foredling av tre og trevareindustri som gjer bruk av lokale råemne. Innan utdanning har Kragerø ein vidaregåande skule.
Avisa Kragerø Blad Vestmar er lokalavis i Kragerø.