Gjøs
From Wikipedia, the free encyclopedia
Gjøs (av nederlandsk geus)[1] er eit lite flagg ein fører i forstamnen av eit skip, vanlegvis når fartøyet ikkje er i fart eller når fartøyet er utsmykka for særlege høve. I militær samanheng fører orlogsfartøya i eit land ein offisiell fastsett gjøs, kalla orlogsgjøs. Denne kan vera identisk med orlogsflagget, men har gjerne mindre format, eller det kan vera eit heilt anna flagg. Handelsskip kan òg føra gjøs, då gjerne flagget til reiarlaget skipet tilhøyrar eller òg flagget til byen der skipet er registrert. Lystfartøy kan i enkelte tilfelle føra vimpelen for samskipnaden båten tilhøyrer som gjøs.