सा (प्राणी)
From Wikipedia, the free encyclopedia
सा धाःगु दुरु बिइगु छगू प्रकारया मनुं लहिनातःगु चौपाया ख। थ्व पशु Bovinae उपपरिवारया छगू पशु ख, नापं Bos जिनसया दकलय् साधारण कथं दयाच्वंगु प्राणी नं ख। थ्व जातियात मंका कथं Bos primigenius धाइगु या। थ्व जातिया मिजंयात बसा (व द्वहँ) धाइ धाःसा मिसायात मासा धाइ। बसायात बुंज्याय् बुं पालिगु वासा सालेत छ्यलि धाःसा मासायात दुरुया निंतिं लहिनि। हलिंया यक्व तजिलजिइ थ्व चौपायाया सांकेतिक अर्थ दु। नापं, हलिंया थाय्थासय् थ्व पशुया ला नं नइगु या। थ्व पशुं पिकाइगु सःयात आभ्वं धाइ।[2] नापं, मचाम्ह सायात आभ्वंचा नं धाइगु या। नेवाः तजिलजिइ सा सिक्क हे नापंया प्राणी जूगुलिं सा थें हे न्यागु मेमेगु प्यपां चुइगु प्राणीतयेत नं थी-थी सा धका नां बियातःगु दु। दसुया निंतिं कस्तूसा, चुसा, च्वाम्वःसा, तेन्हुसा कायेछिं। सायात लहिनिपिं मनुतेत साजवाः (स्वयादिसँ:जवाः) धाइ धाःसा सा लहिनिगु थाय्यात सागः धाइ।
?सा संरक्षण स्थिति: छेंय् लहिनातगु प्राणी | ||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|
A Swiss Braunvieh cow wearing a cowbell | ||||||||||||||||||||||
वैज्ञानिक वर्गिकरण | ||||||||||||||||||||||
| ||||||||||||||||||||||
'''Bos primigenius''' Bojanus, 1827[1] | ||||||||||||||||||||||
Bos primigenius taurus, Bos primigenius indicus | ||||||||||||||||||||||
Bovine range | ||||||||||||||||||||||
Bos taurus, |