पूर्वेली हरित माम्बा
From Wikipedia, the free encyclopedia
पूर्वेली हरित माम्बा माम्बा परिवारको इलापिडा प्रजातिमा पर्ने विश्व सबैभन्दा विषालु सर्प मध्ये एक हो। यस प्रजातिको सर्प मुख्यतया पूर्वी अफ्रिकामा बसोबास गर्ने गर्छ। यस सर्पलाई पहिलोपटक स्कटल्याण्डका जीव वैज्ञानिक एन्ड्रयु स्मिथले सन् १८४९ मा पत्ता लगाएका थिए। यस सर्प लामो सुरिलो हुन्छ भने यसको माथिल्लो भाग पहेँलो र हरियो हुन्छ भने यसको शरिरको तल्लो भाग गाढा हरियो हुन्छ। यस प्रजातिको पोथी सर्पको लम्बाई २ मिटर (६.६ फिट) हुन्छ भने भाले पोथी भन्दा हल्का सानो हुन्छ।
पूर्वली हरित माम्बा | |
---|---|
वैज्ञानिक वर्गीकरण | |
जगत: | जनावर |
Phylum: | रज्जुकी |
वर्ग: | सरिसृप |
गण: | स्क्वामाटा |
उपसमूह: | सर्प |
परिवार: | एलापिडा |
वंश: | डेन्ड्रोएसपिस (एन्ड्रयु स्मिथ, सन् १८४९)[1] |
प्रजाति: | D. angusticeps |
वैज्ञानिक नाम | |
Dendroaspis angusticeps (एन्ड्रयु स्मिथ, सन् १८४९)[2] | |
पूर्वेली हरित माम्बाको बासस्थान क्षेत्र | |
पर्याय[3] | |
सूची
|
यो प्रजातिको सर्प मानव बस्तीबाट टाढा बस्ने भएकाले यो सर्पलाई भेटाउन गाह्रो हुन्छ। इलापिडी परिवारमा पर्ने अन्य माम्बा सर्प जस्तो हरित माम्बा पनि उत्तिकै विषालु हन्छ। यो प्रजातिको सर्प जमिन र रुख दुवैमा बस्ने भएतापनि यो विषेशगरि रुखमा बढी बस्ने गर्छ र यसले रुखमै सिकार गर्ने गर्छ। यस सर्पले अन्य भाइपर सर्पले जस्तै शिकारलाई कुरेर बस्छ र उचित समय मिल्ने बित्तिकै आक्रमण गर्ने गर्छ। पूर्वेली हरित माम्बाले चराचुरुङ्गी, अण्डा, मुसा, चमेरा आदिको सिकार गर्छ।