Varvanera
From Wikipedia, the free encyclopedia
Edward Teach (Bristol, 1680 circa - Ocracoke, 22 nuvembre 1718), chiammato pure Edward Thatch, meglio canusciuto comme Varvanera ('n taliano Barbanera, 'n ngrese Blackbeard) fuje nu pirata ngrese ca agette dint"o mare d''e Carajibbe pe nu periodo curto nfra ô 1716 e 'o 1718, â cimma 'e ll'accussidditta Età d'Oro d"a Piratarìa.
Varvanera è forze 'o pirata cchiù famuso ca s'allicurde, ma ô cuntrario d''e numeruse stereotipe ca dint''o cuorso d''e siecule sonno state custruite attuorno â fiura soja, nun fuje 'o cchiù crudele e 'o cchiù viulento pirata d''o tiempo sujo, preferenno cchiuttosto 'a uerra psiculoggeca a ll'auso d''a viulenza. Ll'attiento sujo e ddelebberato auso d''o terrore, pure tramite 'a mmàggene soja, cuntribuette a ffà nascere 'mmeno 'e dduje anne na leggenna ca fosse durata pe ssiecule