مورگان فریمن
From Wikipedia, the free encyclopedia
مورگان فریمن[8] (بزائهی ۱ ژوئن ۱۹۳۷) اتا آمریکایی بازیگر و تهیهکننده هسته. وه شه خار صدا جه و خاصِ شخصیت وسّه بشناسی وونه. وه حدود پنج دهه فیلم بازی کنده و خله جوایز و تحسینها ره بدست بیارده که وشون دله اتا اوسکار جایزه و گولدن گلوب هم دره.
وه تنسی ایالت، ممفیس شهر دله دنیا بمو و همین شهر دله درس بخوندسته و مدرسهیِ نمایشنومهئون دله شرکت کرده و همونجه جه ونه دل دگرسته که بازیگر بوو و دانشگاه هم بورده لوس آنجلس و اونجه تیاتر درس ره بخونسته. وه دهه ۱۹۷۰ اتا وَچهگونه برنومه دله جه شه کار ره شروع هاکرده و بعداً ویلیام شکسپیر دِتا آسنی ره تیاتر دله بازی هاکرده که اتا جایزه هم ون سر بیته. سال ۱۹۷۸ وه اتا تیاتر ِنقش وسّه تونی جایزه ره کاندید بیّه.
وه تیاتر جه بمو سینما و خله فیلم بازی هاکرده. فیلمی که ونجه اوسکار بیته میلیون دلار بیبی (۲۰۰۴) بییه ولی استریت اسمارت (۱۹۸۷)، درایوینگ میس دیزی (۱۹۸۹)، دِ شاوشنک ردمپشن (۱۹۹۴) و اینویکتوس (۲۰۰۹) وسّه هم اوسکارِ کاندید بئیبییه. ونه دیگر مشهورِ نقشها جه گلوری (۱۹۸۹)، لین آن می (۱۹۸۹)، رابین هود: پرنس آف تیوس (۱۹۹۱)، آنفورگیون (۱۹۹۲)، سِۆِن (۱۹۹۵)، آمیستاد (۱۹۹۷)، گان بیبی گان (۲۰۰۷)، دِ باکت لیست (۲۰۰۷)، بتمن ِسهگانه، وانتِد (۲۰۰۸)، رِد (۲۰۱۰)، اوبلیویون (۲۰۱۳)، نو یو سی می (۲۰۱۳) و لوسی (۲۰۱۴) هستنه.