احمد کایا
From Wikipedia, the free encyclopedia
احمد کایا (بزائه ۱۹۵۷ - بمرده ۲۰۰۰)، کوردی خونندهی تورکیهیی بییه. وه اعتراضخونی سبک ره تورکیه دله بساته، وه دِتا زوون تورکی و کوردی جه خوندسته.
احمد کایا
|
وه سال ۱۹۵۷ شهر ملاطیه دله دنیا بموئه. ونه پییر کورد و ونه ماری تورک بینه. وشون شهر مردمون هم علویون تورکی بینه. وه شه نوجوونی گدر به خاطر شرایط سخت زندگی، شه خانواده همراه بورده استامبول دله. ونه پییر که قبلا اتا نساجی کارخنه دله کار کارده استامبول دله، اتا نمایشگاه دله پادو بیّه. خادی احمد اینتا سَره گاته: «هر روز که مدرسه جه شیمی سِرِه پییر ره دیمی مشغول بشستن مردِم ِماشین بییه و همیشک شه پَلی گاتمه گت بیمه شه پییر سه نمایشگاه ماشین خریمبه که شه ارباب بوئه.» ولی ونه پییر چن سال بعدش بمرده.
ونه جوونی کودتای کنان اورن جه هم گدر بییه و خفقون شدیدی تورکیه دله دیییه. وه که به شدت این وضع جه مخالف بییه سال ۱۹۸۵ شه رفقون جه آلبومی ره هدائه بریم، ولی مامورون ونه کاستون ره جمع هاکردنه ولی بعد اینکه مردِم اعتراض هاکردنه مجبور بَینه دِباره ونه کاستون ره پخش هاکنن.
ونه دومین آلبوم ترانهٔ شفق نوم داشته. وجود شعری به همین نوم اولکو تامر، که به دلیل داشتن افکار سیاسی اعدام منتظر بییه جه، موجب آوازهٔ هر چه ویشتر کایا بیّه.
کایا بعد همکاری با گت شاعرون تورکیه خله معروف بیّه مثل هایال اوغلو، آتیلا ایلهان و اورهان کوتال. کایای لقب «دموکرات خسته» بییه که وه ره اتا کاست به همین نوم جه بییته.