Péndulo simples
From Wikipedia, the free encyclopedia
An Macánica, un péndulo simples ye un strumiento ó ua montaige que cunsiste nun oubjeto que se abana al alredror dun punto fixo. L braço eisecuta mobimientos altarnados an torno de la posiçon central, chamada posiçon d'eiquelíbrio. L péndulo ye mui outelizado an studos de la fuorça peso i de l mobimiento ouscilatório.
La çcubierta de la periodicidade de l mobimiento pendular fui feita por Galileu Galilei. L mobimiento dun péndulo simples ambuolbe basicamente ua grandeza chamada período (simbolizada por T): ye l'anterbalo de tiempo que l'oubjeto lieba para percorrer toda la trajetória (ó seia, retornar a sue posiçon oureginal de lançamiento, ua beç que l mobimiento pendular ye periódico). Deribada dessa grandeza, eisiste la frequéncia (f), numericamente eigual al amberso de l período (f = 1 / T), i qu'antoce carateriza-se pul númaro de bezes (ciclos) que l'oubjeto percorre la trajetória pendular nun anterbalo de tiempo specífico. La ounidade de la frequéncia ne l SI ye l hertz, eiquibalente a un ciclo por segundo(1/s).