Outómato fenito
From Wikipedia, the free encyclopedia
Ua máquina de stados fenitos (FSM - de l'anglés Finite State Machine) ó outómato fenito ye un modelo matemático ousado para repersentar porgramas de cumputadores ó circuitos lógicos. L cunceito ye cuncebido cumo ua máquina abstrata que debe star nun de sous fenitos stados. La máquina stá an solo un stado por beç, este stado ye chamado de estado atual. Un stado armazena anformaçones subre l passado, esto ye, el reflete las mudanças zde l'antrada nun stado, ne l'ampeço de l sistema, até l momiento persente. Ua trasiçon andica ua mudança de stado i ye çcrita por ua cundiçon que percisa ser rializada para que la trasiçon ocorra. Ua açon ye la çcriçon dua atebidade que debe ser rializada nun detreminado momiento.
Máquinas de stado fenito puoden modelar un grande númaro de porblemas, antre ls quales l'outomaçon de zeign eiletrónico, porjeto de protocolo de quemunicaçon, análeze i outras aplicaçones d'angenharie. Na biologie i na pesquisa de la anteligéncia artificial, máquinas de stado ó hierarquias de máquinas de stado son, por bezes, outelizadas para çcrebir sistemas neurológicos i an lenguística para çcrebir las gramáticas de las lenguaiges naturales.