Ouceano Pacífico
From Wikipedia, the free encyclopedia
L ouceano Pacífico ye la maior massa marítima de l globo, situada antre la América, a lheste, la Ásia i a Oustrália, a oeste, i la Antártida, al sul. Cun 180 milhones de km², l Pacífico cobre quaije un tércio de la superfice de l planeta i correspunde a quaije metade de la superfice i de l belume de ls ouceanos.
Ten 707,5 km de fossas, i 87,8% de sue ária apersenta perfundidades superiores a 3.000 m; ye l ouceano cun maior perfundidade média (-4.282 m) i adonde hai las maiores fossas submarinas (fossa de las Marianas, cun -10,912 m).
Sue forma grosseiramente circular ye delhemitada por bordas cuntinentales atibas (que correspónden al circlo de fuogo de l Pacífico) sob las quales se afunda ua crusta oceánica an rápida spanson.
Çcubierto puls ouropeus an 1513 (Balboa) i traspuosto pula purmeira beç an 1520 (Fernão de Magalhães), l Pacífico ten assistido a un crecimiento de sue amportança cumo bie de lhigaçon antre alguas de las regiones de maior dinamismo eiquenómico de la atualidade (Stremo Ouriente i cuosta oucidental de la América de l Norte).