Manuol I de Pertual
From Wikipedia, the free encyclopedia
D. Manuol I, l Binturoso (1469-1521) fui rei de Pertual i de ls Algarbes antre ls anhos de 1495 i 1521, un período de grandes nabegaçones i çcubiertas, cula chegada a la Índia i al Brasil. D. Manuol, quicheado cumo "l Binturoso", naciu an Alcochete, Pertual, ne l die 31 de maio de 1469. Filho de D. Fernon, duque de Beija, i de D. Biatriç, era nieto de l rei D. Eiduarte I que reinou antre 1433 i 1438.
An 1495, D. Manuol tornou-se l quinto rei de la dinastie de Abis i l décimo quarto rei de Pertual, sucedendo l rei D. Juan II, que passado la muorte de sou filho D. Fonso, nomeia an sou testamiento l sou sucessor D. Manuol, armano de la reina, sue mulhier, D. Lheonor de Lhencastre.