Luanda
From Wikipedia, the free encyclopedia
Luanda ye la maior cidade i capital de Angola, sendo tamien la capital de la porbíncia homónima. Queda na cuosta de l Ouceano Atlántico, ye l percipal porto i centro admenistratibo de Angola. Ten ua populaçon de aprossimadamente 4,5 milhones de habitantes (stimatiba de la ONU an 2004), tornando-la la terceira maior cidade lusófona de l mundo, atrás de San Paulo i Riu de Janeiro.
Las andústrias persentes na cidade ancluen la trasformaçon de perdutos agrícolas, porduçon de bubidas, téxteis, cimento i outros materiales de custruçon, plásticos, metalurgie, cigarros, i çapatos. L petrólio, straído nas eimediaçones, ye refinado na cidade, ambora la refinarie tenga sido bárias bezes danificada durante la guerra cebil. Luanda ten un eicelente porto natural, sendo las percipales sportaçones café, algodon, açucre, diamantes, fierro i sal.
Ls habitantes de Luanda son na sue grande maiorie nembros de grupos étnicos africanos, ancluindo Obimbundu, Kimbundu i Bakongo. Eisiste ua pequeinha minorie de ourige ouropeia. La léngua oufecial i más falada ye l pertués, sendo tamien faladas bárias lénguas de l grupo bantu.
Será la cidade adonde ocorrerá la abertura de la Copa de las Naciones Africanas de 2010.