रोन-आल्प
फ्रान्स मधील एक प्रदेश / From Wikipedia, the free encyclopedia
रोन-आल्प (फ्रेंच: Rhône-Alpes; ऑक्सितान: Ròse-Aups) हा फ्रान्सच्या आग्नेय भागातील एक भूतपूर्व प्रदेश आहे. रोन-आल्पच्या पूर्वेस इटली तर ईशान्येस स्वित्झर्लंड हे देश आहेत. युरोपातील सर्वात मोठ्या नद्यांपैकी एक असलेली रोन नदी तसेच आल्प्स पर्वतरांगा ह्यांवरून ह्या प्रदेशाचे नाव रोन-आल्प असे पडले आहे. ल्योन हे फ्रान्समधील दुसरे मोठे महानगर रोन-आल्प प्रांताची राजधानी आहे. ग्रेनोबल, सेंत-एत्येन व व्हालांस ही येथील इतर प्रमुख शहरे आहेत. फ्रान्स व स्वित्झर्लंडची सीमा अंशतः ठरवणारे जिनिव्हा सरोवर रोन-आल्पच्या ईशान्य भागात स्थित आहे. आर्थिक दृष्ट्या समृद्ध असलेला रोन-आल्पची अर्थव्यवस्था युरोपामधे सहाव्या क्रमांकावर आहे.
जलद तथ्य
रोन-आल्प Rhône-Alpes | ||
फ्रान्सचा प्रदेश | ||
| ||
रोन-आल्पचे फ्रान्स देशामधील स्थान | ||
देश | फ्रान्स | |
राजधानी | ल्योन | |
क्षेत्रफळ | ४३,६९८ चौ. किमी (१६,८७२ चौ. मैल) | |
लोकसंख्या | ६०,५८,००० | |
घनता | १३८.६ /चौ. किमी (३५९ /चौ. मैल) | |
आय.एस.ओ. ३१६६-२ | FR-V | |
संकेतस्थळ | http://www.rhonealpes.fr | |
बंद करा
२०१६ साली रोन-आल्प व ऑव्हेर्न्य हे दोन प्रदेश एकत्रित करून ऑव्हेर्न्य-रोन-आल्प हा नवा प्रदेश निर्माण करण्यात आला.