कुंडली
ज्योतिषीय तक्ता किंवा आकृती / From Wikipedia, the free encyclopedia
व्यक्तीच्या जन्मवेळी असणाऱ्या ग्रहस्थितीचा नकाशा म्हणजेच जन्मकुंडली होय. हा नकाशा जन्मकाळी जन्मस्थळावरून दिसलेली, किंवा क्षितिजाखाली असल्यामुळे न दिसलेली विविध राशीमधील ग्रहांची स्थिती दाखवतो. कुंडलीत असणारे आकडे राशींचे क्रमांक दाखवतात. माणसाच्या जन्मवेळी चंद्र ज्या राशीत असतो ती माणसाची रास असते. माणसाच्या जन्माचे वेळी चंद्र जर मेष राशीत असेल, तर त्या व्यक्तीची रास मेष असते. भारतीय वैदिक ज्योतिष चंद्र कुंडली मनाची कारक असल्याने ती महत्त्वाची मानते. सूर्य कुंडलीनुसार शरीर पाहिले जाते. ज्योतिषाचे क्षेत्र निश्चित वेळ, विशेषतः शुभ दिवस व वेळेची भविष्यवाणी करण्यासाठी कामास येते.