Порше 911
From Wikipedia, the free encyclopedia
Порше 911 (герм. Porsche 911, мөн "Neunelfer" - ес арван нэг, эсвэл "Elfer" - арван нэг) нь германы автомашин үйлдвэрлэгч Порше компанийн хамгийн алдартай спорт загварын автомашин ба спорт загварын тэрэг гэх нэршилийг үндсэндээ төлөөлдөг автомашины марк юм. Одоогийн үйлдвэрлэж буй загвар нь 991.
Порше | |
---|---|
Порше 911 Каррера S (Тип 991) | |
911 | |
Үйлдвэрлэсэн хугацаа: | 1963 оноос хойш |
Ангилал: | Спорт автомашин |
Их биеийн хэлбэр: | Купье, Кабриолет, Тарга дээвэр |
Хөдөлгүүр: | Боксер мотор: 2.0-4.0 литр (81-456 кВт) |
Урт: | 4163-4450 мм |
Өргөн: | 1610-1852 мм |
Өндөр: | 1300-1320 мм |
Тэнхлэг хоорондын зай: | 2211-2350 мм |
Хоосон жин: | 1080-1695 кг |
Өмнөх загвар: | Порше 356 |
Дараах загвар: | байхгүй |
Анхны 911 загвар нь 1963 оны есдүгээр сарын 12-нд Майны Франкфуртын автомашины үзэсгэлэн худалдаан дээр Порше 356 загварын залгамж үе болгон Порше 901 гэсэн нэртэйгээр гаргав. Гэтэл Пежо гурван оронтой дундаа тэгтэй тоонуудыг өөрийн марк болгон хамгаалсан байсан учраас 1964 онд Порше 911 гэсэн нэртэйгээр худалдаанд гаргажээ.[1][2]
Энэ тэрэг нь 2+2-суудалтай буюу хоёр суудал дээр нэмэгдэн хоёр ослын (нөөц) суудалтай.[3] Хөдөлгүүрийн хувьд 6 цилиндр бүхий боксер мотортой бөгөөд байрлал нь ардаа юм. Ардаа байрлал бүхий мотор нь түүний сонгодог хийц ба үүнийг Поршегийн эртний хийцүүдээс хөгжүүлж ирсэн ба үүний жишээнд Фолксваген Кэфер болон Порше 356 орно. Порше 911 нь голчлон ардаа хөтлөх тэнхлэгтэй (Каррера) хийгдэх ба 1989 оноос хойш нэмж бүх дугуйг хөтлөх тэнхлэгтэй (Каррера 4) хийн санал болгож байна. 1974 оноос хойш гарсан шилдэг загвар нь турбо мотороор тоноглогдсон 911 турбо юм. Үүнээс гадна 1995 оноос хойш Порше 911 GT2 гэх загварын жинг тохируулан чадлыг өсгөсөн турбо 911 хувилбарыг бас гарган цөөн тоотой худалдаанд гаргав.
Их биеийн хэлбэр нь купье, кабриолет болон тарга гэсэн гурван хэлбэртэйгээр үйлдвэрлэгддэг. 1983-аас 1993 он хүртэл мөн 2010 оноос хойш спеедстер гэх нэршил бүхий родстер хувилбартай адил загварыг цөөн тоотойгоор бас үйлдвэрлэв.
Порше 911 болон түүний суурин дээр үйлдвэрлэгдсэн Порше 934 болон 935 загварууд нь спорт загварын автомашины дэлхийн аварга шалгаруулах тэмцээн болон германы авто спортын аварга шалгаруулах тэмцээнүүдэд өнгөрсөн үед нэлээд амжилттай оролцож байлаа. Өнөөдөр 911 уралдааны загварын суурь дээр явагдах Каррера-Кап маркийн цомын тэмцээнд л ерөнхийдөө оролцож байна.
- Порше 911 (анхны загвар), тухайн үедээ моод болж байсан будагтай 1960-аад он
- Порше 911 Каррера 4S, ар талын харагдац
- Порше 911 Каррера S
- Порше 911 Каррера S, дотоод дизайн
- Порше 911 тарга
- Порше 911 уралдааны загвар
- ар талын харагдац