സമാധാനത്തിനുള്ള നോബൽ സമ്മാനം
From Wikipedia, the free encyclopedia
ആൽഫ്രഡ് നോബൽ ഏർപ്പെടുത്തിയ അഞ്ചു നോബൽ സമ്മാനങ്ങളിലൊന്നാണ് സമാധാനത്തിനുള്ള നോബൽ സമ്മാനം (ഇംഗ്ലീഷ്: Nobel Peace Prize നോർവീജിയനിലും സ്വീഡിഷിലും: Nobels fredspris). 1901 മുതൽ ഏതാണ്ട് എല്ലാ വർഷവും "രാജ്യങ്ങൾ തമ്മിലുള്ള ബന്ധം കൂടുതൽ ഊഷ്മളമാക്കാനും സേനാവിന്യാസം കുറയ്ക്കാനും സമാധാന ഉച്ചകോടികൾ പ്രോത്സാഹിപ്പിക്കാനും നടത്താനുമുള്ള ശ്രമങ്ങൾക്കാണ്"[1] ഇത് നൽകുന്നത്.
സമാധാനത്തിനുള്ള നോബൽ സമ്മാനം | |
---|---|
പ്രമാണം:Nobel Prize.png | |
അവാർഡ് | സമാധാനം കൈവരുത്തുന്നതിനുള്ള വിശിഷ്ടമായ സംഭാവനകൾ |
സ്ഥലം | ഓസ്ലോ |
രാജ്യം | നോർവേ |
നൽകുന്നത് | ആല്ഫ്രഡ് നോബലിനുവേണ്ടി നോർവീജിയൻ നോബൽ കമ്മിറ്റി |
ആദ്യം നൽകിയത് | 1901 |
ഔദ്യോഗിക വെബ്സൈറ്റ് | Nobelprize.org |
ആൽഫ്രഡ് നോബലിന്റെ വിൽപ്പത്രപ്രകാരം നോർവീജിയൻ പാർലമെന്റ് നിയമിക്കുന്ന അഞ്ചംഗ സമിതിയാണ് സമാധാനത്തിനുള്ള നോബൽ സമ്മാന വിജയിയെ കണ്ടെത്തുന്നത്. 1990 മുതൽ ഡിസംബർ 10നു ഓസ്ലോ സിറ്റി ഹാളിൽ വച്ചാണ് അവാർഡ് നൽകുന്നത്. ഇതിനു മുമ്പ് ഓസ്ലോ ഫാക്കൾട്ടി ഓഫ് ലോ സർവ്വകലാശാലയുടെ ആട്രിയത്തിലും (1947–89), നോർവീജിയൻ നോബൽ ഇൻസ്റ്റിറ്റ്യൂട്ടിലും (1905–46) പാർലമെന്റിലും (1901–04) വച്ചായിരുന്നു അവാർഡ് നൽകിപ്പോന്നിരുന്നത്.
അവാർഡിന്റെ രാഷ്ട്രീയമാനം മൂലം നോബൽ സമാധാന സമ്മാനം ചരിത്രത്തിൽ മിക്കപ്പോഴും വിവാദങ്ങൾക്ക് പാത്രമായിട്ടുണ്ട്.