ഇംപെറേറ്റീവ് പ്രോഗ്രാമിംഗ്
From Wikipedia, the free encyclopedia
കമ്പ്യൂട്ടർ ശാസ്ത്രത്തിൽ, ഒരു പ്രോഗ്രാമിന്റെ സ്റ്റേറ്റിനെ മാറ്റുന്ന സ്റ്റേറ്റ്മെന്റുകൾ ഉപയോഗിക്കുന്ന ഒരു പ്രോഗ്രാമിംഗ് മാതൃകയാണ് ഇംപെറേറ്റീവ് പ്രോഗ്രാമിങ് (imperative programming). സ്വാഭാവിക ഭാഷകളിലെ ഇംപെറേറ്റീവ് മൂഡ് കമാൻഡുകൾ എക്സ്പ്രസ് ചെയ്യുന്ന അതേ രീതിയിൽ തന്നെ, ഒരു ഇംപെറേറ്റീവ് പ്രോഗ്രാമിൽ കമ്പ്യൂട്ടറിന് പ്രവർത്തിക്കാനുള്ള കമാൻഡുകൾ അടങ്ങിയിരിക്കുന്നു.[1]പ്രോഗ്രാം എങ്ങനെ പ്രവർത്തിക്കുന്നു എന്ന് വിശദീകരിക്കുന്നതിൽ ഇംപെറേറ്റീവ് പ്രോഗ്രാമിംഗ് ഊന്നൽ നൽകുന്നു.
ഡിക്ലറേറ്റീവ് പ്രോഗ്രാമിംഗിന്(declarative programming) വിപരീതമായി ഈ പദം ഉപയോഗിക്കാറുണ്ട്. പ്രോഗ്രാമിന്റെ റിസൾട്ട് എങ്ങനെ നേടാം എന്ന് വ്യക്തമാക്കാതെ ഒരു പ്രോഗ്രാമിന് വേണ്ടി എന്തെല്ലാം ചെയ്യണം എന്നാണ് ഇവിടെ ഊന്നിപ്പറയുന്നത്.[2]