ഹൈഡ ഗ്വായ്
From Wikipedia, the free encyclopedia
ഹൈഡ ഗ്വായ് (/ˈhaɪdə ˈɡwaɪ/;[2] Haida: X̱aaydag̱a Gwaay.yaay /X̱aayda gwaay അക്ഷരാർത്ഥത്തിൽ "ഹൈഡ ജനതയുടെ ദ്വീപുകൾ")[3] കാനഡയുടെ വടക്കൻ പസഫിക് തീരത്ത് നിന്ന് ഏകദേശം 45–60 കിലോമീറ്റർ (30–40 മൈൽ) അകലെയുള്ള ഒരു ദ്വീപസമൂഹമാണ്. ദ്വീപുകളെ പ്രധാന കരയിൽനിന്ന് കിഴക്ക് ആഴം കുറഞ്ഞ ഹെകേറ്റ് കടലിടുക്ക് വേർതിരിക്കുന്നു.[4] ക്യൂൻ ഷാർലറ്റ് സൗണ്ട് തെക്ക്, വാൻകൂവർ ദ്വീപിന് അപ്പുറത്തായി സ്ഥിതിചെയ്യുന്നു. വടക്കുഭാഗത്ത് തർക്കത്തിലുള്ള ഡിക്സൺ എൻട്രൻസ് യുഎസ് സംസ്ഥാനമായ അലാസ്കയിലെ അലക്സാണ്ടർ ദ്വീപസമൂഹത്തിൽ നിന്ന് ഹൈഡ ഗ്വായിയെ വേർതിരിക്കുന്നു.
Nickname: "Queen Charlottes" "The Charlottes" | |
---|---|
Geography | |
Location | Pacific Ocean |
Coordinates | z53°N 132°W / 53; -132 |
Total islands | c. 150 |
Major islands | Graham Island, Moresby Island |
Area | 10,180 km2 (3,930 sq mi) |
Highest elevation | 1,164 m (3,819 ft) |
Highest point | Mount Moresby |
Province | British Columbia |
Largest settlement | Village of Queen Charlotte (pop. 948) |
Demographics | |
Population | 4,761 [1] (2008) |
Pop. density | 0.468 /km2 (1.212 /sq mi) |
Additional information | |
Time zone |
|
വടക്ക് ഗ്രഹാം ദ്വീപ് (കീസ് ഗ്വായ്), തെക്ക് മോറെസ്ബി ദ്വീപ് (T'aawxii X̱aaydaɢ̠a Gwaay.yaay linaɢ̠waay, അക്ഷരാർത്ഥത്തിൽ: പകുതി ദ്വീപിലെ തെക്കൻ ആളുകൾ, അല്ലെങ്കിൽ ഗ്വായ് ഹാനാസ് "സൗന്ദര്യത്തിന്റെ ദ്വീപുകൾ") എന്നിങ്ങനെ രണ്ട് പ്രധാന ദ്വീപുകൾ ഉൾക്കൊള്ളുന്ന ഹൈഡാ ഗ്വായ്ക്ക് ഉടനീളമായി മൊത്തം 10,180 ചതുരശ്ര കിലോമീറ്റർ (3,931 ചതുരശ്ര മൈൽ) ഭൂവിസ്തൃതിയിൽ ഏകദേശം 400 ചെറിയ ദ്വീപുകളും[5] സ്ഥിതിചെയ്യുന്നു. ആന്തണി ദ്വീപ് (Ḵ'waagaaw / Sɢ̠ang Gwaay), ബർണാബി ദ്വീപ് (Sɢ̠aay Kun Gwaay.yaay), ആൽഡർ ദ്വീപ് (Ḵ'uuna Gwaay / Ḵ'uuna Gwaay.yaay),[6] കുൻഖിത് ദ്വീപ് എന്നിവ മറ്റു പ്രധാന ദ്വീപുകളിൽ ഉൾപ്പെടുന്നു.
കനേഡിയൻ പ്രവിശ്യയായ ബ്രിട്ടീഷ് കൊളംബിയയുടെ ഭാഗമായ ഈ ദ്വീപുകൾ മുമ്പ് ക്വീൻ ഷാർലറ്റ് ദ്വീപുകൾ എന്നും ഗ്രാമ്യ ഭാഷയിൽ "ചാർലോട്ട്സ്" എന്നും അറിയപ്പെട്ടിരുന്നു.[7] ബ്രിട്ടീഷ് കൊളംബിയയും ഹൈഡ ജനങ്ങളും തമ്മിലുള്ള കുൻസ്റ്റാ ഗു - കുൻസ്റ്റായാഹ് ഒത്തുതീർപ്പ് രേഖയുടെ[8] ഭാഗമായി 2010 ജൂൺ 3 ന് ഹൈഡ ഗ്വായ് അനുരഞ്ജന നിയമം ഔപചാരികമായി ഈ ദ്വീപസമൂഹത്തിന്റെ പേരുമാറ്റം നടത്തി.[9][10][11]
ഈ ദ്വീപുകൾ ഹൈഡ രാഷ്ട്രത്തിന്റെ ഹൃദയഭാഗമായി രൂപപ്പെട്ടിരിക്കുന്നു. ഏകദേശം 13,000 വർഷങ്ങളായി[12] ഈ ദ്വീപുകളിൽ അധിവസിക്കുന്ന ഹൈഡ ജനങ്ങൾ നിലവിൽ ജനസംഖ്യയുടെ പകുതിയോളം വരും.[13]