ഹൃദയം മാറ്റിവെക്കൽ
From Wikipedia, the free encyclopedia
തീവ്രമായ ഘട്ടത്തിലുള്ള ഹൃദയസ്തംഭനം അല്ലെങ്കിൽ കഠിനമായ കൊറോണറി ആർട്ടറി രോഗം ഉള്ള രോഗികളിൽ മറ്റ് മെഡിക്കൽ അല്ലെങ്കിൽ ശസ്ത്രക്രിയാ ചികിത്സകൾ പരാജയപ്പെടുമ്പോൾ നടത്തുന്ന ഒരു ശസ്ത്രക്രിയാ ട്രാൻസ്പ്ലാൻറ് പ്രക്രിയയാണ് ഹൃദയം മാറ്റിവെക്കൽ അല്ലെങ്കിൽ ഹാർട്ട് ട്രാൻസ്പ്ലാൻറ് അഥവാ കാർഡിയാക് ട്രാൻസ്പ്ലാൻറ്. അടുത്തിടെ മരണമടഞ്ഞ അവയവ ദാതാവിൽ നിന്ന് (ശ്വാസകോശത്തോടൊപ്പമോ അല്ലാതെയോ) പ്രവർത്തിക്കുന്ന ഹൃദയം എടുത്ത് (മസ്തിഷ്ക മരണം മാനദണ്ഡമാണ്) അത് രോഗിയിൽ ശസ്ത്രക്രിയയിലൂടെ ലഭ്യമാക്കുന്നു. രോഗിയുടെ സ്വന്തം ഹൃദയം ഒന്നുകിൽ നീക്കംചെയ്യുകയും ദാതാവിന്റെ ഹൃദയം (ഓർത്തോടോപിക് നടപടിക്രമം) ഉപയോഗിച്ച് മാറ്റിസ്ഥാപിക്കുകയും ചെയ്യുന്നു അല്ലെങ്കിൽ സ്വീകർത്താവിന്റെ രോഗബാധിതമായ ഹൃദയം ദാതാവിന്റെ ഹൃദയത്തെ പിന്തുണയ്ക്കുന്നതിനായി നിലനിറുത്തുന്നു (ഹെറ്ററോടോപിക്, അല്ലെങ്കിൽ "പിഗ്ഗിബാക്ക്", ട്രാൻസ്പ്ലാൻറ് നടപടിക്രമം).
ലോകമെമ്പാടും ഏകദേശം 3,500 ഹൃദയമാറ്റ ശസ്ത്രക്രിയകൾ നടക്കുന്നു, അതിൽ പകുതിയും യുഎസിലാണ്.[1] ശസ്ത്രക്രിയാനന്തര അതിജീവന കാലയളവ് ശരാശരി 15 വർഷം. ഹൃദയം മാറ്റിവയ്ക്കൽ ഹൃദ്രോഗത്തിനുള്ള പരിഹാരമായി കണക്കാക്കില്ല; മറിച്ച് ഇത് ഒരു സ്വീകർത്താവിന്റെ ജീവിത നിലവാരവും കാലാവധിയും മെച്ചപ്പെടുത്താൻ ഉദ്ദേശിച്ചുള്ള ഒരു ജീവൻ രക്ഷിക്കുന്ന ചികിത്സയാണ്.[2]