സ്വർഗ്ഗാരോഹണഗോവണി
From Wikipedia, the free encyclopedia
സന്യാസജീവിതം നയിക്കുന്നവർക്ക് മാർഗ്ഗനിർദ്ദേശം നൽകാനായി, ആറാം നൂറ്റാണ്ടിൽ ഈജിപ്തിലെ സീനായ് മലയിൽ വിശുദ്ധ കാതറൈന്റെ നാമത്തിലുള്ള ആശ്രമത്തിന്റെ അധിപനായിരുന്ന യോഹന്നാൻ എന്ന താപസൻ (ക്രി.പി. 525-606 മാർച് 25)ഗ്രീക്ക് ഭാഷയിൽ എഴുതിയ പുസ്തകമാണ് സ്വർഗ്ഗരോഹണ ഗോവണി (The Ladder of Divine Ascent). ഗ്രന്ഥകർത്താവ് അറിയപ്പെടുന്നത് തന്നെ ഗ്രന്ഥവുമായി അദ്ദേഹത്തിനുള്ള ബന്ധം സൂചിപ്പിക്കുന്ന യോഹന്നാൻ ക്ലിമാക്കസ്(Saint John Climacus) അല്ലെങ്കിൽ ഗോവണിയുടെ യോഹന്നാൻ എന്ന പേരിലാണ്. ക്രൈസ്തവസന്യാസവുമായി ബന്ധപ്പെട്ട ഗ്രന്ഥങ്ങൾക്കിടയിൽ ഒരു ക്ലാസിക്കായി കണക്കാക്കപ്പെടുന്ന 'ഗോവണി' ഏറെ മാനിക്കപ്പെടുന്നത് പൗരസ്ത്യ സഭകളിലാണ്.