വാച്ച്മെൻ (ടിവി പരമ്പര)
From Wikipedia, the free encyclopedia
എച്ച്ബിഒ അവതരിപ്പിച്ച ഒരു അമേരിക്കൻ സൂപ്പർഹീറോ നാടക ടെലിവിഷൻ പരമ്പരയാണ് വാച്ച്മെൻ. അലൻ മൂറും ഡേവ് ഗിബ്ബൺസും ചേർന്ന് രൂപംനൽകിയ വാച്ച്മെൻ എന്ന 1987 ലെ ഡിസി കോമിക്സ് പരമ്പരയുടെ തുടർച്ചയാണ് ഇത്. പരമ്പരയുടെ നിർമ്മാണവും രചനയും നിർവഹിച്ചത് ഡാമൺ ലിൻഡെലോഫാണ്. റെജീന കിംഗ്, ഡോൺ ജോൺസൺ, ടിം ബ്ലെയ്ക്ക് നെൽസൺ, യഹ്യ അബ്ദുൾ-മതീൻ II, ആൻഡ്രൂ ഹോവാർഡ്, ജേക്കബ് മിംഗ്-ട്രെന്റ്, ടോം മിസൺ, സാറാ വിക്കേഴ്സ്, ഡിലൻ ഷോംബിംഗ്, ലൂയിസ് ഗോസെറ്റ് ജൂനിയർ, ജെറമി ഐറോൺസ് എന്നിവർ അടങ്ങിയ ഒരു വലിയ താരനിര ഈ പരമ്പരയിൽ അണിനിരക്കുന്നു.
വാച്ച്മെൻ | |
---|---|
തരം |
|
സൃഷ്ടിച്ചത് | ഡമോൺ ലിൻഡലോഫ് |
അടിസ്ഥാനമാക്കിയത് | വാച്ച്മെൻ by
|
അഭിനേതാക്കൾ |
|
സംഗീതം |
|
രാജ്യം | അമേരിക്ക |
ഒറിജിനൽ ഭാഷ(കൾ) | ഇംഗ്ലീഷ് |
സീസണുകളുടെ എണ്ണം | 1 |
എപ്പിസോഡുകളുടെ എണ്ണം | 9 (എപ്പിസോഡുകളുടെ പട്ടിക) |
നിർമ്മാണം | |
എക്സിക്യൂട്ടീവ് പ്രൊഡ്യൂസർ(മാർ) |
|
നിർമ്മാണം |
|
നിർമ്മാണസ്ഥലം(ങ്ങൾ) |
|
ഛായാഗ്രഹണം |
|
എഡിറ്റർ(മാർ) |
|
സമയദൈർഘ്യം | 52–67 മിനിറ്റ് |
പ്രൊഡക്ഷൻ കമ്പനി(കൾ) |
|
വിതരണം | Warner Bros. Television Distribution |
സംപ്രേഷണം | |
ഒറിജിനൽ നെറ്റ്വർക്ക് | HBO |
ഒറിജിനൽ റിലീസ് | ഒക്ടോബർ 20, 2019 (2019-10-20) – ഡിസംബർ 15, 2019 (2019-12-15) |
External links | |
Website |
യഥാർത്ഥ കോമിക്ക് സീരീസിന്റെ ഒരു റീമിക്സ് ആയി ലിൻഡലോഫ് ടെലിവിഷൻ പരമ്പരയെ ഉപമിച്ചു. ഈ പരമ്പര സാങ്കേതികമായി കോമിക്ക് സീരീസിന്റെ ഒരു തുടർച്ചയാണ്. കോമിക് പരമ്പര പുനഃസൃഷ്ടിക്കുന്നതിനു പകരം കോമിക്സിലെ സംഭവങ്ങൾക്ക് 34 വർഷത്തിനുശേഷം, പുതിയ കഥാപാത്രങ്ങളും സാഹചര്യങ്ങളും ഉൾപ്പെടുത്തി, ഒരു പുതിയ കഥ സൃഷ്ടിക്കുന്നതിൽ ലിൻഡെലോഫ് ശ്രദ്ധിച്ചു. 2019 ൽ ഒക്ലഹോമയിലെ തുൾസയിൽ നടന്ന വംശീയ അതിക്രമങ്ങളെ ചുറ്റിപ്പറ്റിയുള്ള സംഭവങ്ങളിലാണ് ഈ പരമ്പര ശ്രദ്ധ കേന്ദ്രീകരിക്കുന്നത്. വംശീയ അനീതികൾ ആരോപിച്ചു സെവൻത് കാവൽറി എന്ന വെളുത്ത മേധാവിത്വ സംഘം തുൾസ പോലീസ് വകുപ്പിനെതിരെ ആയുധമെടുത്തു. "വൈറ്റ് നൈറ്റ്" നെ തുടർന്ന് സെവൻത് കാവൽറി പൊലീസുകാരെ അവരുടെ വീടുകളിൽ ചെന്ന് ആക്രമിക്കാൻ തുടങ്ങുന്നു. ഇതിനു തടയിടാൻ പോലീസുകാർ അവരെ തിരിച്ചറിയാതിരിക്കാൻ മുഖംമൂടി ധരിക്കുന്നു. സിസ്റ്റർ നൈറ്റ് എന്നറിയപ്പെടുന്ന ഡിറ്റക്ടീവ് ഏഞ്ചല അബാർ (റെജീന കിംഗ്) അവളുടെ സുഹൃത്തും മേധാവിയുമായ ജഡ് ക്രോഫോർഡിന്റെ (ജോൺസൺ) കൊലപാതകം അന്വേഷിക്കുകയും സെവൻത് കാവൽറിയെ ചുറ്റിപ്പറ്റിയുള്ള രഹസ്യങ്ങൾ കണ്ടെത്തുകയും ചെയ്യുന്നു.
ഒൻപത് എപ്പിസോഡുകൾ ഉള്ള പരമ്പര 2019 ഒക്ടോബർ 20 ന് എച്ച്ബിഒയിൽ സംപ്രേഷണം ആരംഭിച്ചു. ആദ്യ സീസണിനുശേഷം, താൻ ഉദ്ദേശിച്ച കഥ പൂർത്തിയാക്കി എന്ന് അഭിപ്രായപ്പെട്ടു, ലിൻഡെലോഫ് പരമ്പരയുടെ നിർമാതാവ് എന്ന സ്ഥാനത്തു നിന്നും വിരമിച്ചു. ലിൻഡെലോഫ് അതെ സ്ഥാനത്തു തിരിച്ചെത്താതെ ഷോ തുടരാൻ കൂടുതൽ പദ്ധതികളൊന്നുമില്ലെന്ന് എച്ച്ബിഒ സ്ഥിരീകരിച്ചു.