വധശിക്ഷ ബ്രസീലിൽ
From Wikipedia, the free encyclopedia
ടൈറേഡെന്റെസ് (1792) പോലെ പല ചരിത്ര നായകന്മാർക്കും ബ്രസീലിൽ വധശിക്ഷ നൽകിയിട്ടുണ്ട്. ബ്രസീലിൽ തൂക്കിക്കൊന്ന അവസാനയാൾ 1876-ൽ വധിക്കപ്പെട്ട ഫ്രാൻസിസ്കോ എന്ന അടിമയാണ്. ബ്രസീൽ 1889-ൽ റിപ്പബ്ലിക്കായി പ്രഖ്യാപിക്കപ്പെട്ട ശേഷം മരണശിക്ഷ നിറുത്തലാക്കപ്പെട്ടു. കോസ്റ്റാറിക്കയ്ക്ക് (1859) ശേഷം അമേരിക്കയിൽ മരണശിക്ഷ നിറുത്തലാക്കപ്പെട്ട രണ്ടാമത്തെ രാജ്യമാണ് ബ്രസീൽ. സാധാരണകുറ്റങ്ങൾക്ക് വധശിക്ഷ നിർത്തലാക്കപ്പെട്ടെങ്കിലും സൈനിക കുറ്റങ്ങൾക്ക് വധശിക്ഷ നടപ്പാക്കാൻ ബ്രസീലിലെ നിയമങ്ങളും ബ്രസീൽ ഒപ്പിട്ടിട്ടുള്ള അന്താരാഷ്ട്ര കരാറുകളും അനുവദിക്കുന്നുണ്ട്.