റോമാ സാമ്രാജ്യത്തിന്റെ ഔദ്യോഗിക സഭ
From Wikipedia, the free encyclopedia
റോമാ ചക്രവർത്തിയായ തിയോഡോഷ്യസ് ഒന്നാമൻ ക്രി. വ. 380ൽ പുറപ്പെടുവിച്ച തെസ്സലോനിക്കാ ശാസനം അനുസരിച്ച് ക്രിസ്തുമതം റോമൻ സാമ്രാജ്യത്തിന്റെ ഔദ്യോഗിക മതമായി അംഗീകരിക്കപ്പെട്ടു. അതിനോടകം പൗരാണിക ക്രൈസ്തവ സഭയുടെ നിഖ്യൻ ഓർത്തഡോക്സ് കത്തോലിക്കാ വിശ്വാസവീക്ഷണം പിന്തുടരുന്നവർ റോമാ സാമ്രാജ്യത്തിന്റെ പ്രബല ക്രൈസ്തവമത വിഭാഗമായി ശക്തിപ്രാപിച്ചുകഴിഞ്ഞിരുന്നു.[1] ചക്രവർത്തി ഒരേസമയം രാഷ്ട്രത്തിന്റെയും സഭയുടെയും തലവനായി പ്രവർത്തിച്ചിരുന്നു.[2][3][4] കത്തോലിക്കാ സഭ, ഓർത്തഡോക്സ് സഭ, സാമ്രാജ്യത്തിന്റെ സഭ, റോമൻ സാമ്രാജ്യത്തിന്റെ സഭ, അല്ലെങ്കിൽ ബൈസന്റൈൻ സഭ എന്നിങ്ങനെയുള്ള പേരുകൾ ഈ ക്രൈസ്തവ സഭയ്ക്കായി വിവിധ ചരിത്രകാരന്മാർ ഉപയോഗിക്കുന്നു. ആധുനിക കിഴക്കൻ ഓർത്തഡോക്സ് സഭ, കത്തോലിക്കാ സഭ, ഓറിയന്റൽ ഓർത്തഡോക്സ് സഭകൾ എന്നിവയെല്ലാം ഈ സഭയുടെ പിന്തുടർച്ച അവകാശപ്പെടുന്നു.[5][6]
റോമാ സാമ്രാജ്യത്തിന്റെ ഔദ്യോഗിക സഭ | |
---|---|
റോമൻ കത്തോലിക്കാ ഓർത്തഡോക്സ് സഭ | |
വർഗം | പൗരാണിക ക്രിസ്തീയത |
വീക്ഷണം | നിഖ്യൻ ക്രിസ്തീയത |
ദൈവശാസ്ത്രം | നിഖ്യാ - കോൺസ്റ്റാന്റിനോ- പ്പോളീറ്റൻ ദൈവശാസ്ത്രം |
സഭാ സംവിധാനം | എപ്പിസ്കോപ്പൽ |
സഭാഭരണം | പെന്റാർക്കിയ (പഞ്ചാധിപത്യം) |
ഘടന | പാത്രിയർക്കാസനങ്ങൾ, മെത്രാസനങ്ങൾ, രൂപതകൾ |
പരമാധികാരി | റോമാ ചക്രവർത്തി |
എപ്പിസ്കോപ്പൽ നേതാവ് | റോമിലെ മാർപ്പാപ്പ |
പാത്രിയർക്കാസനങ്ങൾ | റോമ, കോൺസ്റ്റാന്റിനോപ്പിൾ, അലക്സാണ്ട്രിയ, അന്ത്യോഖ്യ, ജറുസലേം |
ശാഖകൾ | ഓറിയന്റൽ ഓർത്തഡോക്സ് സഭകൾ (451നുശേഷം), കിഴക്കൻ (ഗ്രീക്ക്) ഓർത്തഡോക്സ് സഭ, |
ഭരണമേഖല | റോമാ സാമ്രാജ്യം |
ഉരുത്തിരിഞ്ഞത് | നിഖ്യൻ ക്രിസ്തുമതത്തിൽ നിന്ന് |
പിളർപ്പുകൾ | കിഴക്കിന്റെ സഭ (അഞ്ചാം നൂറ്റാണ്ടിൽ) |