റോബർട്ട് ബ്രൗണിങ്
From Wikipedia, the free encyclopedia
പത്തൊൻപതാം നൂറ്റാണ്ടിലെ (ജനനം" 1812 മേയ് 7 – മരണം: 1889 ഡിസംബർ 12) പ്രമുഖ ഇംഗ്ലീഷ് കവിയും നാടകകൃത്തുമായിരുന്നു റോബർട്ട് ബ്രൗണിങ്. നാടകീയകവിതകളിൽ, പ്രത്യേകിച്ച് നാടകീയ സ്വയംഭാഷണങ്ങളിൽ (Dramatic Monologues) കൈവരിച്ച മികവിന്റെ പേരിൽ അദ്ദേഹം വിക്ടോറിയൻ യുഗത്തിലെ ഒന്നാംകിട കവികളിൽ ഒരാളായി എണ്ണപ്പെടുന്നു. സന്ദേഹവാദത്തിന്റെയും അവിശ്വാസത്തിന്റേയും ഒരു യുഗത്തിൽ ബ്രൗണിങ്ങിന്റെ രചനകൾ അവയുടെ പ്രസാദാത്മകത്വവും ശുഭപ്രതീക്ഷയും കൊണ്ട് വേറിട്ടു നിന്നു. ബാലപ്രായത്തിൽ തന്നെ കവിതാരചന തുടങ്ങിയ അദ്ദേഹത്തിന്റെ പ്രതിഭ, ദീർഘകാലത്തെ അവഗണനയ്ക്കും പരിഹാസത്തിനുമൊടുവിൽ ജീവിതത്തിന്റെ അവസാനദശകങ്ങളിൽ മാത്രമാണ് അംഗീകാരം കണ്ടെത്തിയത്. പത്തൊൻപതാം നൂറ്റാണ്ടിലെ പ്രമുഖ ആംഗല കവയിത്രി ഇലിസബത്ത് ബാരറ്റുമായുള്ള നാടകീയത നിറഞ്ഞ പ്രണയവും വിവാഹവും, ബ്രൗണിങ് ഇതിഹാസത്തിന്റെ അവിഭാജ്യ ഘടകമാണ്.[1]
റോബർട്ട് ബ്രൗണിങ് | |
---|---|
ജനനം | 1812, മേയ് 7 ക്യാംബർവെൽ, ലണ്ടൺ, ഇംഗ്ലണ്ട് |
മരണം | 12 ഡിസംബർ 1889(1889-12-12) (പ്രായം 77) വെനീസ്, ഇറ്റലി |
തൊഴിൽ | കവി |
ശ്രദ്ധേയമായ രചന(കൾ) | ദ പൈഡ് പൈപ്പർ ഓഫ് ഹാമെലിൻ, പോർഫിറിയായുടെ കാമുകൻ, മോതിരവും പുസ്തകവും, സ്ത്രീപുരുഷന്മാർ, മൈ ലാസ്റ്റ് ഡച്ചസ് |
കയ്യൊപ്പ് |