രാധികാ ആപ്തേ
ഇന്ത്യൻ ചലചിത്ര അഭിനേത്രി / From Wikipedia, the free encyclopedia
ചലച്ചിത്ര - നാടകരംഗങ്ങളിൽ സജീവമായി പ്രവർത്തിക്കുന്ന ഒരു ഇന്ത്യൻ അഭിനേത്രിയാണ് രാധികാ ആപ്തെ (ജനനം : 1985 സെപ്റ്റംബർ 7).[1] ജന്മനാടായ പൂനെയിലെ 'ആസക്ത' എന്ന നാടക ട്രൂപ്പിൽ പ്രവർത്തിച്ചുകൊണ്ടാണ് രാധികയുടെ അഭിനയജീവിതം ആരംഭിക്കുന്നത്. 2005-ൽ പുറത്തിറങ്ങിയ വാഹ് ! ലൈഫ് ഹോ തോ ഏസി എന്ന ബോളിവുഡ് ചിത്രത്തിൽ ഒരു ചെറിയ വേഷം ചെയ്തുകൊണ്ട് ചലച്ചിത്രരംഗത്തേക്കു പ്രവേശിച്ചു.
രാധികാ ആപ്തെ | |
---|---|
ജനനം | (1985-09-07) 7 സെപ്റ്റംബർ 1985 (38 വയസ്സ്) |
ദേശീയത | Indian |
തൊഴിൽ | നടി |
സജീവ കാലം | 2005–present |
ജീവിതപങ്കാളി(കൾ) | ബെനഡിക്ട് ടെയിലർ |
2009-ൽ പുറത്തിറങ്ങിയ അന്താഹീൻ എന്ന ബംഗാളി ചിത്രത്തിലും സമാന്തർ എന്ന മറാഠി ചിത്രത്തിലും പ്രധാന വേഷങ്ങൾ കൈകാര്യം ചെയ്തു.[2] 2015-ൽ പുറത്തിറങ്ങിയ ബദ്ലാപ്പൂർ, ഹണ്ടർ, മാഞ്ചി - ദ മൗണ്ടൻ മാൻ എന്നീ ചിത്രങ്ങളിൽ സഹനായികയായി. 2016-ൽ പുറത്തിറങ്ങിയ ഫോബിയ, പാർച്ച്ഡ് എന്നീ ചിത്രങ്ങളിലെ നായികാ കഥാപാത്രങ്ങൾ നിരൂപകശ്രദ്ധ നേടി.[3][4][5] രാധികാ ആപ്തേ നായികയായി അഭിനയിച്ച ലാൽ ബാരി (2014), കബാലി (2016) എന്നീ ചിത്രങ്ങൾ പ്രദർശനശാലകളിൽ വലിയ വിജയം നേടിയിരുന്നു. ഫഹദ് ഫാസിൽ നായകനായ ഹരം എന്ന മലയാള ചലച്ചിത്രത്തിലും രാധിക അഭിനയിച്ചിട്ടുണ്ട്.