മദീന അൽ സഹ്റ
From Wikipedia, the free encyclopedia
സ്പെയിനിലെ കോർഡോബയുടെ പടിഞ്ഞാറൻ പ്രാന്തപ്രദേശങ്ങളിൽ സ്ഥിതി ചെയ്യുന്നതും കോർഡോബയിലെ ആദ്യ ഉമയ്യദ് രാജവംശത്തിലെ അംഗവും അൽ-അനാഡാലസിന്റെ ആദ്യ ഖലീഫയുമായ അബ്ദ് അൽ-റഹ്മാൻ മൂന്നാമൻ (912–961), കോട്ടകെട്ടി നിർമ്മിച്ചിരുന്ന മൂറിഷ് മധ്യകാലഘട്ടത്തിലെ നശിപ്പിക്കപ്പെട്ട ഒരു കൊട്ടാര-നഗരം ആണ് മദീന അസഹാര' (Arabic: مدينة الزهراء Madīnat az-Zahrā: literal meaning "the shining city"). ഇതിന്റെ അവശിഷ്ടങ്ങൾ ഇന്ന് ഒരു പ്രധാന പുരാവസ്തു കേന്ദ്രമാണ്. കോർഡോബയിലെ ഖിലാഫത്തിന്റെ തലസ്ഥാനമായും അതിന്റെ ഭരണകേന്ദ്രമായും ഇത് പ്രവർത്തിച്ചു.
UNESCO World Heritage Site | |
---|---|
Location | Córdoba, Andalusia |
Criteria | Cultural: (iii), (iv) |
Reference | 1560 |
Inscription | 2018 (42-ആം Session) |
Coordinates | 37.888°N 4.867°W / 37.888; -4.867 |
ഇതിന്റെ നിർമ്മാണത്തിന്റെ പ്രധാന കാരണം രാഷ്ട്രീയ-പ്രത്യയശാസ്ത്രപരമാണ്: അബ്ദുൾ-റഹ്മാൻ മൂന്നാമൻ 929-ൽ സ്വയം "ഖലീഫ" ആയി പ്രഖ്യാപിച്ചു. ഈ പുതിയ പദവിയുടെ മഹത്വത്തിന് മറ്റ് കിഴക്കൻ കാലിഫേറ്റുകളെ അനുകരിച്ച് അദ്ദേഹത്തിന്റെ ശക്തിയുടെ പ്രതീകമായ ഒരു പുതിയ നഗരം സ്ഥാപിക്കേണ്ടതുണ്ട്. തന്റെ വലിയ എതിരാളികളായ വടക്കേ ആഫ്രിക്കയിലെ ഇഫ്റിക്കിയയിലെ ഫാത്തിമിദ് ഖലീഫമാർക്കും ബാഗ്ദാദിലെ അബ്ബാസി ഖലീഫമാർക്കും മേൽ തന്റെ ശ്രേഷ്ഠത തെളിയിക്കാൻ അദ്ദേഹം ശ്രമിച്ചു. ഉമയ്യദ് ഭരണത്തിൻ കീഴിലുള്ള അൽ-ആൻഡലസിന്റെ നിലവിലെ തലസ്ഥാനമായ കോർഡോബയ്ക്ക് സമീപമാണ് ഈ നഗരം നിർമ്മിച്ചത്. 936-940-ൽ നിർമ്മാണം ആരംഭിച്ചു. അദ്ദേഹത്തിന്റെ ഭരണകാലത്തും അദ്ദേഹത്തിന്റെ മകൻ അൽ-ഹകം രണ്ടാമന്റെ (r. 961-976) ഭരണകാലത്തും ഒന്നിലധികം ഘട്ടങ്ങളിലായി തുടർന്നു. പുതിയ നഗരത്തിൽ ആചാരപരമായ സ്വീകരണ ഹാളുകൾ, ഒരു സഭാ പള്ളി, ഭരണപരമായ സർക്കാർ ഓഫീസുകൾ, പ്രഭുക്കന്മാരുടെ വസതികൾ, പൂന്തോട്ടങ്ങൾ, ഒരു കമ്മട്ടം, വർക്ക്ഷോപ്പുകൾ, ബാരക്കുകൾ, സേവന ക്വാർട്ടേഴ്സ്, ഹമ്മം എന്നിവ ഉൾപ്പെടുന്നു.[1][2] ജലസംഭരണികൾ വഴിയാണ് വെള്ളം വിതരണം ചെയ്തത്.[1] എന്നിരുന്നാലും, അൽ-ഹകം രണ്ടാമന്റെ മരണശേഷം, നഗരം ഇബ്നു അബി അമീർ അൽ-മൻസൂർ (അൽമാൻസോർ) ഭരണത്തിൻ കീഴിലുള്ള സർക്കാർ കേന്ദ്രമായി പ്രവർത്തിക്കുന്നത് അവസാനിപ്പിച്ചു. 1010-നും 1013-നും ഇടയിൽ ഒരു ആഭ്യന്തരയുദ്ധകാലത്ത് ഇത് കൊള്ളയടിക്കുകയും പിന്നീട് ഉപേക്ഷിക്കപ്പെടുകയും ചെയ്തു. അതിലെ പല വസ്തുക്കളും മറ്റൊരിടത്ത് വീണ്ടും ഉപയോഗിച്ചു.