മഡോണ വിത് ദ ലോങ് നെക്ക്
From Wikipedia, the free encyclopedia
1535-1540 നും ഇടയിൽ ഇറ്റാലിയൻ മാനേറിസ്റ്റ് പർമിജിയാനിനോ ചിത്രീകരിച്ച എണ്ണച്ചായചിത്രമാണ് മഡോണ വിത് ദ ലോങ് നെക്ക്. മഡോണയെയും കുട്ടിയെയും മാലാഖമാരോടൊപ്പം ചിത്രീകരിച്ചിരിക്കുന്നു. മഡോണ ആൻഡ് ചൈൽഡ് വിത്ത് ഏഞ്ചൽസ് ആന്റ് സെന്റ് ജെറോം എന്നും ഈ ചിത്രം അറിയപ്പെടുന്നു. 1534-ൽ പാർമയിലെ ഫ്രാൻസെസ്കോ ടാഗ്ലിയഫെറിയുടെ [1]ശവകുടീര ചാപ്പലിനായി ചിത്രീകരണം ആരംഭിച്ചുവെങ്കിലും 1540-ൽ പാർമിജിയാനോയുടെ മരണത്തിൽ ചിത്രം അപൂർണ്ണമായി തുടർന്നു. ടസ്കാനിയുടെ ഗ്രാൻഡ് പ്രിൻസ് ഫെർഡിനാണ്ടോ ഡി മെഡിസി 1698-ൽ ഈ ചിത്രം വാങ്ങി. 1948 മുതൽ ഈ ചിത്രം ഉഫിസിയിൽ പ്രദർശിപ്പിച്ചിരിക്കുന്നു.[2]