ബ്ലൂ ജീൻ
From Wikipedia, the free encyclopedia
ഊർജ ഉപഭോഗം കുറച്ചു കൊണ്ട് അതിവേഗ കമ്പ്യൂട്ടിങ്ങ് സാധ്യമാക്കുക എന്ന ലക്ഷ്യത്തോടെ ഐ.ബി.എം. 1999-ൽ തുടങ്ങിയ പദ്ധതിയാണ് ബ്ലൂ ജീൻ. ഏകദേശം നൂറ് ദശലക്ഷം ഡോളർ ചിലവിട്ട് കൊണ്ട് നടന്ന അഞ്ച് വർഷത്തെ ഗവേഷണത്തിന് ശേഷം 2004-ൽ ആണ് ആദ്യ തലമുറ ബ്ലൂ ജീൻ സൂപ്പർ കമ്പ്യൂട്ടറുകൾ നിർമിതമായത് [1]. 2004-ൽ പുറത്തിറങ്ങിയ ബ്ലൂ ജീൻ/L ആണ് ഈ ശ്രേണിയിൽ പുറത്തിറങ്ങിയ ആദ്യ തലമുറ ബ്ലൂ ജീൻ സൂപ്പർ കമ്പ്യൂട്ടർ. 2007-ൽ ബ്ലൂ ജീൻ/P എന്ന രണ്ടാം തലമുറ ബ്ലൂ ജീൻ കമ്പ്യൂട്ടർ പുറത്തിറങ്ങി. 2011-ൽ ആണ് ബ്ലൂ ജീൻ ശ്രേണിയിലെ മൂന്നാം തലമുറ സൂപ്പർ കമ്പ്യൂട്ടറായ ബ്ലൂ ജീൻ/Q പുറത്തിറങ്ങിയത്. നവീന സാങ്കേതികവിദ്യക്കുള്ള 2009-ലെ അമേരിക്കൻ ദേശീയ ബഹുമതി ബ്ലൂ ജീൻ ശ്രേണിയിലുള്ള സൂപ്പർ കമ്പ്യൂട്ടറുകൾക് ലഭിക്കുകയുണ്ടായി [2].