ബ്രൗൺ ഷുഗർ
From Wikipedia, the free encyclopedia
ബ്രൗൺ നിറത്തിലുള്ള പഞ്ചസാരയാണ് ബ്രൗൺ ഷുഗർ. മൊളാസെസിന്റെ സാന്നിധ്യം മൂലം ഇതിനു ബ്രൗൺ നിറം ലഭിക്കുന്നു. ശുദ്ധീകരിക്കാത്തതോ ഭാഗികമായി ശുദ്ധമാക്കിയതോ ആയ പഞ്ചസാരയാണിത്. ഇതിന്റെ ക്രിസ്റ്റലിന്റെയൊപ്പം കാണപ്പെടുന്ന മൊളാസ്സെസിനെ (സ്വാഭാവിക ബ്രൌൺ ഷുഗർ), അഡിഷൻ പ്രക്രിയയിലൂടെ ശുദ്ധീകരിച്ച് വെളുത്ത പഞ്ചസാര (വാണിജ്യ ബ്രൗൺഷുഗർ) ആക്കി മാറ്റുന്നു. 88% സൂക്രോസ്, ഇൻവെർട്ട് പഞ്ചസാര എന്നിവയുള്ള ബ്രൗൺഷുഗർ ആണ് കോഡെക്സ് ആലിമെന്ററിയസ് മാനദണ്ഡം അനുസരിച്ച് ബ്രൗൺഷുഗർ എന്നു കണക്കാക്കുന്നത്.[1]
വാണിജ്യ ആവശ്യത്തിനുള്ള ബ്രൗൺ ഷുഗറിൽ അവയുടെ ഭാരം അടിസ്ഥാനമാക്കി 3.5% മൊളാസെസ് (ഇളം തവിട്ട് പഞ്ചസാര) മുതൽ 6.5% വരെ മൊളാസെസ് (ഇരുണ്ട തവിട്ട് പഞ്ചസാര) വരെ അടങ്ങിയിരിക്കുന്നു.[2] ഭാരം അടിസ്ഥാനമാക്കി വാണിജ്യ ആവശ്യത്തിനുള്ള ബ്രൗൺ ഷുഗറിൽ 10% വരെ മൊളാസെസ് അടങ്ങിയിരിക്കുന്നു.[3] മൊളാസെസുകളുടെ ഹൈഗ്രോസ്കോപ്പിക് സ്വഭാവത്തിൽ നിന്ന് ഇവയ്ക്ക് സ്വാഭാവികമായും ഈർപ്പമുള്ളതിനാൽ "സോഫ്റ്റ്" എന്ന് ഇവയെ വിലയിരുത്തുന്നു. വ്യാവസായിക ആവശ്യത്തിനായി മികച്ച രീതിയിലുള്ള പഞ്ചസാര ലഭിക്കുന്നതിന് ഇവ വിവിധ പ്രക്രിയകൾക്ക് വിധേയമാക്കുന്നു.
ഇതിന്റെ കണങ്ങളുടെ വലുപ്പം സ്ഥിരതയില്ലെങ്കിലും തരിയാക്കിയ വെളുത്ത പഞ്ചസാരയേക്കാൾ ബ്രൗൺ ഷുഗർ ചെറുതാണ്. വ്യാവസായിക ഉപയോഗത്തിനുള്ള ഉൽപ്പന്നങ്ങൾ (ഉദാ. കേക്കുകളുടെ വ്യാവസായിക ഉൽപാദനം) ഏകദേശം 0.35 മില്ലിമീറ്റർ പരലുകൾ ഉള്ള കാസ്റ്റർ പഞ്ചസാരയെ അടിസ്ഥാനമാക്കി നിർമ്മിക്കപ്പെട്ടിരിക്കുന്നവയാകാം.