പ്രിൻസ് വില്യം സൗണ്ട്
From Wikipedia, the free encyclopedia
പ്രിൻസ് വില്യം സൗണ്ട് (Sugpiaq: Suungaaciq) യു.എസ്. സംസ്ഥാനമായ അലാസ്കയുടെ തെക്കൻ തീരത്ത്, അലാസ്ക ഉൾക്കടലിലെ ഒരു ജലസന്ധിയാണ്. കെനായി അർദ്ധദ്വീപിൻറെ കിഴക്ക് ഭാഗത്താണ് ഇത് സ്ഥിതി ചെയ്യുന്നത്. ട്രാൻസ്-അലാസ്ക പൈപ്പ്ലൈൻ സിസ്റ്റത്തിന്റെ തെക്കൻ ടെർമിനസിലുള്ള വാൽഡെസ് ആണ് ഇതിന്റെ ഏറ്റവും വലിയ തുറമുഖം. നിരവധി ചെറിയ ദ്വീപുകൾ ഉൾക്കൊള്ളുന്ന ജലസന്ധിയിലെ മറ്റ് വാസസ്ഥലങ്ങളിൽ കോർഡോവ, വിറ്റിയർ എന്നിവയും അലാസ്കയിലെ പ്രാദേശിക ഗ്രാമങ്ങളായ ചെനെഗയും ടാറ്റിറ്റ്ലെക്കും ഉൾപ്പെടുന്നു.