പൂനേരി പഗഡി
From Wikipedia, the free encyclopedia
മഹാരാഷ്ട്രയിലെ പൂനെ നഗരത്തിലുള്ള ആളുകൾ വിശേഷാവസരങ്ങളിലും മറ്റും ധരിക്കുന്ന ഒരു പ്രത്യേക തലപ്പാവാണ് പൂനേരി പഗഡി.[1] മറാഠിയിൽ പൂനേരി പഗഡി എന്നാൽ 'പൂനെയിലെ തലപ്പാവ്' എന്നാണ് അർത്ഥം. പത്തൊൻപതാം നൂറ്റാണ്ടുമുതലാണ് ഈ തലപ്പാവ് ഉപയോഗിച്ചു തുടങ്ങിയതെന്നു വിശ്വസിക്കുന്നു.[2] ഒരുകാലത്ത് ബഹുമാനസൂചകമായി ധരിച്ചിരുന്ന തലപ്പാവിനെ ഇപ്പോൾ പ്രായഭേദമന്യേ ഏവരും ധരിക്കുന്നുണ്ട്.[3] പൂനേരി പഗഡിയുടെ മഹത്ത്വവും തനിമയും സംരക്ഷിക്കുന്നതിന്റെ ഭാഗമായി 2009 സെപ്റ്റംബർ 4-ന് ഇതിനെ ഭൂപ്രദേശസൂചികാപദവിയുള്ള ഉൽപ്പന്നങ്ങളുടെ പട്ടികയിൽ ഉൾപ്പെടുത്തി.[1][3][4][5][6]