ഡൊനാന ദേശീയോദ്യാനം
From Wikipedia, the free encyclopedia
ഡൊനാന ദേശീയോദ്യാനം, തെക്കൻ സ്പെയിനിലെ ആൻഡലൂസിയയിലെ ഹ്യൂയെൽവ, സെവില്ലെ എന്നീ പ്രോവിൻസുകളിലുള്ള പ്രകൃതിദത്ത ദേശീയോദ്യാനമാണ്. ഇത് 543 ചതുരശ്ര കിലോമീറ്റർ (209.65 ചതുരശ്രകിലോമീറ്റർ) വിസ്തൃതിയിൽ വ്യാപിച്ചുകിടക്കുന്നു, ഇതിൽ 135 കിമീ 2 (52.12 ച മൈൽ) സംരക്ഷിത പ്രദേശമാണ്. ഗ്വാഡൽക്വിവിർ നദി അറ്റ്ലാൻറിക മഹാ സമുദ്രത്തിലേക്ക് ഒഴുകുന്ന ഡെൽറ്റയിലെ ലാസ് മറിസ്മസിലുള്ള ചതുപ്പുകൾ, ആഴം കുറഞ്ഞ അരുവികൾ, മണൽക്കുന്നുകൾ എന്നിവയടങ്ങിയതാണ് ഈ ദേശീയോദ്യാനം. 1969 ൽ വേൾഡ് വൈൽഡ് ലൈഫ് ഫണ്ട്, സ്പാനിഷ് സർക്കാരുമായി ചേർന്ന്, ചതുപ്പുകളുടെ ഒരു ഭാഗം വാങ്ങി അത് സംരക്ഷിക്കാൻ തീരുമാനിച്ചതിനെത്തുടർന്നാണ് ഇതൊരു സംരക്ഷിത പ്രദേശമായി മാറിയത്.[3] ചതുപ്പു പ്രദേശത്തിൻറെ വിസ്തീർണ്ണം തുടർച്ചയായി കുറഞ്ഞുവരുന്നത്, തീരദേശത്തുകൂടി ജലസേചനം നടത്തുന്നത്, കാർഷിക ഉൽപ്പാദനം വർദ്ധിപ്പിക്കാൻ നദീജലം ഉപയോഗിക്കുന്നത്, പാരിസ്ഥിതിക ഖനനത്തിലൂടെയുള്ള ജല മലിനീകരണം, വിനോദസഞ്ചാര സൗകര്യങ്ങളുടെ വികസനം എന്നിവയിലൂടെ പരിസ്ഥിതി വ്യവസ്ഥ തുടർച്ചയായി ഭീഷണിയിലാണ്.[4] മദീന സീഡോനിയയിലെ ഏഴാമത്തെ പ്രഭുവിൻറെ പത്നിയായിരുന്ന ഡോണ അന ഡി സിൽവ യി മെൻഡോസയുടെ പേരിനെ അനുസ്മരിച്ചാണ് ദേശീയോദ്യാനത്തിന് ഈ പേര് നൽകപ്പെട്ടത്.
ഡൊനാന ദേശീയോദ്യാനം | |
---|---|
ഐ.യു.സി.എൻ. ഗണം II (ദേശീയോദ്യാനം) | |
Location | Huelva, Seville and Cádiz provinces - Andalusia, Spain |
Coordinates | 37°00′N 6°30′W |
Area | 543 km2 (210 sq mi) |
Established | 1969 |
Visitors | 392,958 (in 2007) |
Governing body | Andalusian Autonomous Government |
Type | Natural |
Criteria | vii, ix, x |
Designated | 1994 (18th session) |
Reference no. | 685 |
State Party | Spain |
Region | Europe and North America |
Extensions | 2005 |
Designated | May 4, 1982 [1] |
ഡൊനാനാ പ്രകൃതി സംരക്ഷണ മേഖലയിൽ, 1969 ൽ സ്ഥാപിക്കപ്പെട്ട ഡോണോന ദേശീയോദ്യാനവും, 1989 ൽ സ്ഥാപിതമായതും വിപുലീകരിക്കപ്പെട്ടതുമായ നാച്വറൽ പാർക്കും ഉൾപ്പെട്ട്, പ്രാദേശിക ഭരണകൂടത്തിലെ മാനേജ്മെന്റിനു കീഴിൽ ഇത് ഒരു സംരക്ഷണ ബഫർ സോണായി പ്രവർത്തിക്കുന്നു. ദേശീയോദ്യാനവും പ്രകൃതി പാർക്കും ഒത്തുചേർന്ന് ഒരൊറ്റ ഭൂപ്രകൃതിമേഖലയായി വർത്തിക്കുന്നു.
യൂറോപ്പ്, ആഫ്രിക്കൻ ഭൂഖണ്ഡങ്ങൾക്കിടയിലുള്ള തന്ത്രപ്രധാന സ്ഥാനവും, ജിബ്രാൾട്ടർ കടലിടുക്കിൻറെ സാന്നിദ്ധ്യവും ഡൊനാനയിലെ അതിവിസ്തൃതമായ ഉപ്പുരസമുള്ള ചതുപ്പിൻറെ നിലനിൽപ്പും കാരണമായി ആയിരക്കണക്കിന് യൂറോപ്യൻ പക്ഷികളും ആഫ്രിക്കൻ പക്ഷികളും (നീർപ്പക്ഷികളുടെയും കരപ്പക്ഷികളുടെയും) ഇവിടെയെത്തിച്ചേരുകയും പ്രജനനകേന്ദ്രമായി ഉപയോഗിക്കുകയും ചെയ്യുന്നു. ശൈത്യകാലത്ത്, അനേകജാതി ദേശാടനപ്പക്ഷികൾക്കും നീർപ്പക്ഷികൾക്കും ആതിഥ്യമരുളുന്ന സ്ഥലവുമാണിത്. സാധാരണയായി 200,000 ൽ അധികം പക്ഷികൾ ഇവിടെ സംഗമിക്കുന്നു. 300 ഓളം വിവിധ പക്ഷി വർഗ്ഗങ്ങളെ വർഷം തോറും ഇവിടെ കാണുവാൻ കഴിയും. യൂറോപ്പിലെ ഏറ്റവും വലിയ പ്രാകൃതിക കരുതൽശേഖരമായി കരുതപ്പെടുന്ന ഈ ദേശീയോദ്യാനത്തിൻറെ അതിർത്തിക്കുള്ളിൽ വിവിധ ശാസ്ത്രസ്ഥാപനങ്ങൾക്ക് നിരീക്ഷണ സ്റ്റേഷനുകളുണ്ട്. ഈ സ്ഥാപനങ്ങൾ സമീപ മേഖലകളിടെ ഭൂപ്രകൃതി നിരീക്ഷിക്കുകയും ചുറ്റുപാടുമുള്ള സ്ഥലങ്ങളുടെ ഉചിതമായ വികസനത്തിനും വംശനാശഭീഷണി നേരിടുന്ന ജീവികളെ സംരക്ഷിക്കുന്നതിനുമായുള്ള പ്രവർത്തനങ്ങളിൽ ഏർപ്പെട്ടിരിക്കുന്നു. 1994 ൽ യുനെസ്കോ ഈ പ്രദേശം ഒരു ലോക പൈതൃക സ്ഥലമായി പ്രഖ്യാപിച്ചു. 2006 ൽ ഉദ്യാനം 376,287 സന്ദർശകരെയാണ് സ്വീകരിച്ച്ത്.